12.09C Vancouver 12.09C VancouverApr 3, 2020 9:28 PM -
ਬ੍ਰਿਟਿਸ਼ ਕੋਲੰਬੀਆ ਦੇ ਵਿਚ ਪਿਛਲੇ ਕੁਝ ਦਿਨ ਤੋਂ ਕਈ ਲੋਕ ਸ਼ਾਮ ਨੂੰ 7 ਵਜੇ, ਘਰਾਂ ਦੇ ਬਾਹਰ ਖੜੇ ਹੋਕੇ ਕੋਈ ਬਰਤਨ ਖੜਕਾ ਕੇ, ਜਾਂਫਿਰ ਤਾੜੀਆਂ ਵਜਾ ਕੇ, ਸੂਬੇ ਦੇ ਹੈਲਥ ਕੇਅਰ ਕਾਮਿਆਂ ਲਈ ਆਪਣਾ ਸਹਿਯੋਗ ਅਤੇ ਉਨ੍ਹਾਂ ਦੇ ਹੌਂਸਲੇ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਹੁਣ ਇਸ 'ਚ ਅੱਜ ਸ਼ਾਮ 7 ਵਜੇ ਇੱਕ ਹੋਰ ਕੋਸ਼ਿਸ਼ ਜੁੜਨ ਜਾ ਰਹੀ ਹੈ, ਜਦ ਇਲਾਕੇ ਦੇ ਪਾਣੀਆਂ 'ਚ ਖੜੇ ਸਮੁੰਦਰੀ ਜਹਾਜ ਇੱਕੋ ਸਮੇਂ 'ਤੇ ਆਪਣੇ ਹੌਰਨ ਵਜਾ ਕੇ, ਹੈਲਥ ਕੇਅਰ ਕਾਮਿਆਂ ਨੂੰ ਸਲਾਮ ਕਰਨ ਦੀ ਇਸ ਕੋਸ਼ਿਸ਼ 'ਚ ਜੁੜਨਗੇ।
ਚੈਂਬਰ ਆਫ ਸ਼ਿਪਿੰਗ ਵੱਲੋਂ ਇਸ ਸੰਬੰਧੀ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ, ਅਤੇ ਦੱਸਿਆ ਗਿਆ ਕਿ ਇੱਕੋ ਸਮੇਂ 'ਤੇ ਸਾਰੇ ਸ਼ਿਪ ਆਪਣੇ ਹੌਰਨ ਵਜਾਉਣਗੇ।
ਬਿਆਨ 'ਚ ਦੱਸਿਆ ਗਿਆ ਕਿ ਇਹ ਉਪਰਾਲਾ ਬੇਹਦ ਖਾਸ ਹੈ, ਕਿਉਂਕਿ ਸ਼ਿਪਸ ਨਾਲ ਸੰਬੰਧਤ ਲੋਕ ਵੀ ਦੇਸ਼ 'ਚ ਮੈਡੀਕਲ ਸਪਲਾਈਸ ਜਾਰੀ ਰੱਖਣ 'ਚ ਅਹਿਮ ਯੋਗਦਾਨ ਪਾ ਰਹੇ ਹਨ।
ਚੈਂਬਰ ਦਾ ਕਹਿਣਾ ਹੈ ਕਿ ਇਨ੍ਹਾਂ ਸਮੁੰਦਰੀ ਜਹਾਜਾਂ ਰਾਹੀਂ ਮੈਡੀਕਲ ਸਟਾਫ ਲਈ ਜਰੂਰੀ ਮੈਡੀਕਲ ਉਪਕਰਨ ਵੀ ਪਹੁੰਚ ਰਹੇ ਹਨ ਅਤੇ ਦੇਸ਼ ਦੀ ਗਤੀ ਨੂੰ ਜਾਰੀ ਰੱਖਣ 'ਚ ਮਦਦ ਕਰਨ ਵਾਲਾ ਬਹੁਤ ਕਿਸਮ ਦਾ ਸਾਮਾਨ ਪਹੁੰਚ ਰਿਹਾ ਹੈ।
