14.4C Vancouver 14.4C VancouverJan 7, 2022 8:09 PM - The Canadian Press
ਵਿਕਟੋਰੀਆ ਪੁਲਿਸ ਡਿਪਾਰਟਮੈਂਟ ਵੱਲੋਂ ਤਿਆਰੀ ਕੀਤੀ ਜਾ ਰਹੀ ਹੈ ਕਿ ਆਪਣੇ ਸਾਰੇ ਅਫਸਰਾਂ ਨੂੰ ਫਰੰਟਲਾਈਨ ਪੁਲਿਸ ਡਿਊਟੀਆਂ 'ਤੇ ਤਾਇਨਾਤ ਕਰ ਦਿੱਤਾ ਜਾਵੇ।
ਡਿਪਾਰਟਮੈਂਟ ਵੱਲੋਂ ਅਜਿਹੀ ਤਿਆਰੀ ਉਸ ਵੇਲੇ ਕੀਤੀ ਜਾ ਰਹੀ ਹੈ, ਜਦ ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਦੇ ਵਧਦੇ ਫੈਲਾਅ ਵਿਚਾਲੇ ਸਟਾਫਿੰਗ ਦੀ ਘਾਟ ਦਾ ਖਤਰਾ ਮੰਡਰਾਉਣ ਲੱਗਿਆ ਹੈ।
ਡਿਪਾਰਟਮੈਂਟ ਵੱਲੋਂ ਜਾਰੀ ਬਿਆਨ 'ਚ ਕਿਹਾ ਗਿਆ ਹੈ ਕਿ ਪਹਿਲੀ ਵਾਰ ਪੁਲਿਸ ਯੂਨੀਅਨ ਨਾਲ ਕਰਾਰ 'ਚ ਇੱਕ ਕਲੌਜ਼ ਲਿਆਂਦਾ ਜਾ ਰਿਹਾ ਹੈ ਜਿਸ ਨਾਲ ਸਾਰੇ ਅਫਸਰਾਂ ਦੀ ਫਰੰਟਲਾਈਨ ਡਿਊਟੀਆਂ ਲਈ ਅਸਾਈਨਮੈਂਟ ਦੀ ਆਪਸ਼ਨ ਖੁੱਲ੍ਹੀ ਰੱਖੀ ਜਾ ਸਕੇਗੀ।
ਇਨ੍ਹਾਂ ਸੇਵਾਵਾਂ 'ਚ ਪਬਲਿਕ ਨਾਲ ਸੰਬੰਧੀ ਡਿਊਟੀਆਂ, ਜਿਵੇਂ ਕਿ ਟਰੈਫਿਕ ਜਾਂ ਭੀੜ ਨੂੰ ਕੰਟਰੋਲ ਕਰਨਾ, ਕ੍ਰਿਮੀਨਲ ਇਨਵੈਸਟੀਗੇਸ਼ਨਸ ਅਤੇ ਗ੍ਰਿਫਤਾਰੀਆਂ ਸ਼ਾਮਿਲ ਹੋ ਸਕਦੀਆਂ ਹਨ।
ਇੱਕ ਬਿਆਨ ਜਾਰੀ ਕਰ ਦੱਸਿਆ ਗਿਆ ਕਿ ਇਸ ਸੰਬੰਧੀ ਬਦਲਾਅ ਇਸੇ ਵੀਕਐਂਡ ਤੋਂ ਜਾਰੀ ਕੀਤੇ ਜਾ ਰਹੇ ਹਨ।
ਵਿਕਟੋਰੀਆ ਦੇ ਅਫਸਰਾਂ ਨੂੰ ਪੈਟਰੋਲ ਡਿਵੀਜਨ 'ਚ ਰੀਡਿਪਲਾਏ ਕੀਤਾ ਜਾ ਰਿਹਾ ਹੈ।
ਯਾਦ ਰਹੇ ਪੁਲਿਸ, ਫਾਇਰ ਡਿਪਾਰਟਮੈਂਟ ਅਤੇ ਸਕੂਲ ਬੋਰਡ ਅਜਿਹੀਆਂ ਏਜੈਂਸੀਆਂ ਦੇ ਵਿੱਚ ਸ਼ਾਮਿਲ ਹਨ ਜੋ ਕਿ ਕੋਵਿਡ-19 ਮਾਮਲਿਆਂ ਦੇ ਵਾਧੇ ਵਿਚਾਲੇ ਸਟਾਫਿੰਗ ਦੀ ਘਾਟ ਸੰਬੰਧੀ ਤਿਆਰੀ ਖਿੱਚ ਰਹੇ ਹਨ।
