13.82C Vancouver 13.82C VancouverJul 10, 2026 2:38 PM - Connect Newsroom - Ramandeep Kaur with files from The Canadian Press
ਬੀ.ਸੀ.-ਐਲਬਰਟਾ ਦੀ ਬਾਊਂਡਰੀ ਨੇੜੇ ਪੁਲਿਸ ਨੇ ਇੱਕ 6 ਸਾਲਾ ਮਾਸੂਮ ਬੱਚੇ ਦੇ ਲਾਪਤਾ ਹੋਣ ਦੇ ਸਬੰਧ ਵਿਚ ਐਬਰ ਅਲਰਟ ਜਾਰੀ ਕੀਤਾ ਹੈ। ਪੁਲਿਸ ਮੁਤਾਬਕ, ਲਨਾਕਾਈ ਮੌਰੀਸਨ ਨਾਮ ਦੇ ਇਸ ਬੱਚੇ ਨੂੰ ਮੰਗਲਵਾਰ ਨੂੰ ਐਲਬਰਟਾ ਵਿਚ ਗ੍ਰੈਂਡ ਪ੍ਰੈਰੀ ਤੋਂ ਲਗਭਗ 63 ਕਿਲੋਮੀਟਰ ਦੂਰ ਸਥਿਤ Valhalla Centre ਨਾਮ ਦੇ ਪਿੰਡ ਤੋਂ ਅਗਵਾ ਕੀਤਾ ਗਿਆ ਸੀ।
ਬੱਚੇ ਨੂੰ ਆਖਰੀ ਵਾਰ ਕੱਲ ਸਵੇਰੇ 9:30 ਵਜੇ ਬੀ. ਸੀ. ਦੇ Fort St. John ਵਿਚ ਦੇਖਿਆ ਗਿਆ। ਐਲਬਰਟਾ ਆਰ.ਸੀ.ਐਮ.ਪੀ. ਨੂੰ 6 ਸਾਲਾ Lanakai ਨੂੰ ਉਸ ਦੀ 35 ਸਾਲਾ ਮਾਂ Krista Morrison ਅਤੇ ਉਸ ਦੇ 35 ਸਾਲਾ ਪਾਰਟਨਰ Daniel Ludwig ਵਲੋਂ ਅਗਵਾ ਕਰਨ ਦਾ ਸ਼ੱਕ ਹੈ। ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਦੇ ਨਾਲ ਇੱਕ ਹੋਰ 4 ਸਾਲਾ ਬੱਚਾ ਵੀ ਹੋ ਸਕਦਾ ਹੈ।
ਖ਼ਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਇਹ ਸਾਰੇ ਨੌਰਥਨ ਬੀ.ਸੀ. ਦੇ ਇਲਾਕੇ ਜਾਂ Northwest Territories ਜਾਂ Yukon ਵਿਚ ਹੋ ਸਕਦੇ ਹਨ। ਔਫੀਸਰ ਮੁਤਾਬਕ ਇਹ ਸਾਰੇ ਇੱਕ ਲਾਲ ਰੰਗ ਦੇ Ford F350 ਪਿਕਅੱਪ ਟਰੱਕ ਵਿਚ ਸਵਾਰ ਹਨ, ਜਿਸ ਦਾ ਐਲਬਰਟਾ ਦਾ ਲਾਇਸੈਂਸ ਪਲੇਟ ਨੰਬਰ CXW8820 ਹੈ। ਪੁਲਿਸ ਵਲੋਂ ਲੋਕਾਂ ਨੂੰ ਇਹਨਾਂ ਦੇ ਕਿਤੇ ਵੀ ਦੇਖੇ ਜਾਣ 'ਤੇ ਤੁਰੰਤ 911 'ਤੇ ਸੰਪਰਕ ਕਰਨ ਦੀ ਅਪੀਲ ਕੀਤੀ ਗਈ ਹੈ
