21.64C Vancouver 21.64C VancouverNov 1, 2021 9:27 PM - The Canadian Press
ਬੀ.ਸੀ. ਪਬਲਿਕ ਸਰਵਿਸ ਏਜੈਂਸੀ ਦਾ ਕਹਿਣਾ ਹੈ ਕਿ ਕੋਵਿਡ-19 ਵੈਕਸੀਨੇਸ਼ਨ ਦੇ ਪ੍ਰਮਾਣ ਪੇਸ਼ ਕਰਨ ਲਈ ਨੀਤੀ ਨੂੰ ਫਾਈਨਲ ਕਰ ਲਿਆ ਗਿਆ ਹੈ।
ਇਹ ਨੀਤੀ ਡਾਇਰੈਕਟ ਸਰਕਾਰੀ ਕਰਮਚਾਰੀਆਂ ਲਈ ਲਾਗੂ ਹੋਵੇਗੀ।
ਇਸ ਨੀਤੀ ਤਹਿਤ ਬੀ.ਸੀ. ਪਬਲਿਕ ਸਰਵਿਸ ਲਈ ਕੰਮ ਕਰਦੇ ਕਿਸੇ ਵੀ ਕਰਮਚਾਰੀ ਲਈ 22 ਨਵੰਬਰ ਤਕ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹੋਣਾ ਜਰੂਰੀ ਹੋਵੇਗਾ।
ਕੰਟ੍ਰੈਕਟਰਸ ਅਤੇ ਹੋਰ ਇੰਡੋਰ ਪਬਲਿਕ ਸਰਵਿਸ ਕੰਮ ਦੀਆਂ ਥਾਵਾਂ 'ਤੇ 'ਐਂਪਲਾਈ ਓਨਲੀ' ਇਲਾਕਿਆਂ 'ਚ ਪਹੁੰਚ ਕਰਦੇ ਕਾਮਿਆਂ ਲਈ 13 ਦਿਸੰਬਰ ਤਕ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹੋਣ ਦਾ ਸਮਾਂ ਦਿੱਤਾ ਗਿਆ ਹੈ।
ਹਾਲਾਂਕਿ ਇਹ ਨਿਯਮ ਅਜਿਹੀਆਂ ਸੇਵਾਵਾਂ ਲਈ ਪਹੁੰਚ ਕਰਦੇ ਆਮ ਲੋਕਾਂ ਲਈ ਲਾਗੂ ਨਹੀਂ ਹੋਵੇਗਾ।
ਏਜੈਂਸੀ ਦਾ ਕਹਿਣਾ ਹੈ ਕਿ ਜਿਹੜੇ ਕਰਮਚਾਰੀਆਂ ਨੇ ਕੋਵਿਡ-19 ਦਾ ਇੱਕ ਸ਼ੌਟ ਹਾਸਿਲ ਕੀਤਾ ਹੋਵੇ ਉਨ੍ਹਾਂ ਨੂੰ ਆਲਟਰਨੇਟਿਵ ਵਰਕ ਅਰੇਂਜਮੈਂਟਸ ਦਿੱਤੇ ਜਾ ਸਕਦੇ ਹਨ।
ਹਾਲਾਂਕਿ ਅਜਿਹੇ ਕਰਮਚਾਰੀਆਂ ਨੂੰ 35 ਦਿਨਾਂ 'ਚ ਦੂਜੀ ਖੁਰਾਕ ਹਾਸਿਲ ਕਰਨ ਦੀ ਸ਼ਰਤ ਰੱਖੀ ਗਈ ਹੈ।
