17.87C Vancouver 17.87C VancouverJul 8, 2021 10:24 AM -
ਭਾਰਤ ਦੇ ਫ਼ੌਜ ਮੁਖੀ ਜਨਰਲ ਐੱਮਐੱਮ ਨਰਵਣੇ ਅੱਜ ਵੀਰਵਾਰ ਨੂੰ ਇਟਲੀ ਦੇ ਰੱਖਿਆ ਮੰਤਰੀ ਲੋਰੈਂਜ਼ੋ ਗੁਈਰੀਨੀ ਨੂੰ ਮਿਲੇ ਅਤੇ ਦੋਵਾਂ ਮੁਲਕਾਂ ਵਿਚਾਲੇ ਰੱਖਿਆ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕਰਨ ਲਈ ਵਿਚਾਰ-ਵਟਾਂਦਰਾ ਕੀਤਾ।
ਫ਼ੌਜ ਦੇ ਵਾਧੂ ਡਾਇਰੈਕਟੋਰੇਟ ਜਨਰਲ ਆਫ਼ ਪਬਲਿਕ ਇਨਫੋਰਮੇਸ਼ਨ,ਆਈਐਚਕਿਉ ਵੱਲੋਂ ਟਵੀਟ ਕੀਤਾ ਗਿਆ,"ਜਨਰਲ ਐਮਐਮ ਨਰਵਣੇ #ਕੋਕਸ ਨੇ ਇਟਲੀ ਦੇ ਰੱਖਿਆ ਮੰਤਰੀ ਮਾਣਯੋਗ ਲੋਰੈਂਜ਼ੋ ਗੁਈਰੀਨੀ ਨਾਲ ਗੱਲ ਕੀਤੀ ਅਤੇ ਭਾਰਤ-ਇਟਲੀ ਦੇ ਰੱਖਿਆ ਸਹਿਯੋਗ 'ਤੇ ਵਿਚਾਰ-ਵਟਾਂਦਰਾ ਕੀਤਾ।"
ਉਹਨਾਂ ਇਟਾਲੀਅਨ ਫ਼ੌਜ ਦੇ ਮੁਖੀ, ਲੈਫਟੀਨੈਂਟ ਜਨਰਲ ਪੀਐਤਰੋ ਸੀਰੀਨੋ ਨਾਲ ਗੱਲਬਾਤ ਕੀਤੀ ਅਤੇ ਸਾਂਝੇ ਫ਼ੌਜੀ ਸਹਿਯੋਗ ਦੇ ਪਹਿਲੂਆਂ 'ਤੇ ਚਰਚਾ ਕੀਤੀ।
ਦੱਸਣਯੋਗ ਹੈ ਕਿ ਫ਼ੌਜ ਮੁਖੀ ਨੇ ਕੱਲ ਬੁੱਧਵਾਰ ਨੂੰ ਦੁਵੱਲੇ ਰਣਨੀਤਿਕ ਸਹਿਯੋਗ ਅੱਗੇ ਵਧਾਉਣ ਦੇ ਇਰਾਦੇ ਨਾਲ ਇਟਲੀ ਦਾ ਦੋ ਦਿਨਾਂ ਦਾ ਦੌਰਾ ਸ਼ੁਰੂ ਕੀਤਾ।
ਉਹ ਆਪਣੇ ਇਸ ਦੌਰੇ ਦੇ ਦੂਜੇ ਚਰਨ 'ਚ ਯੂਨਾਈਟਿਡ ਕਿੰਗਡਮ ਤੋਂ ਇਟਲੀ ਪੁੱਜੇ ਹਨ।
ਗ਼ੌਰਤਲਬ ਹੈ ਕਿ ਬੀਤੇ ਸਾਲ ਭਾਰਤ ਅਤੇ ਇਟਲੀ ਵਿਚਾਲੇ 15 ਸੰਧੀਆਂ ਕੀਤੀਆਂ ਗਈਆਂ ਅਤੇ ਆਪਣੇ ਸਬੰਧਾਂ ਨੂੰ ਹੋਰ ਵਧਾਉਣ ਲਈ ਉਤਸ਼ਾਹੀ ਐਕਸ਼ਨ ਪਲੈਨ ਪੱਕੇ ਕੀਤੇ ਗਏ ਸਨ, ਜਿਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅਤੇ ਉਹਨਾਂ ਦੇ ਉਸ ਵੇਲੇ ਦੇ ਇਟਾਲੀਅਨ ਹਮਰੁਤਬਾ ਜੁਸੈਪੀ ਕੌਂਤੇ ਵਿਚਾਲੇ ਵਰਚੁਅਲ ਸੱਮਿਟ ਹੋਈ ਸੀ।
ਇਸ ਚਾਰ ਸਾਲਾ ਐਕਸ਼ਨ ਪਲਾਨ ਵਿੱਚ ਸਹਿਯੋਗ ਵਧਾਉਣ ਦੇ ਕਈ ਖੇਤਰਾਂ ਦਾ ਜ਼ਿਕਰ ਕੀਤਾ ਗਿਆ ਸੀ, ਜਿਸ ਵਿੱਚ ਵਾਤਾਵਰਨ ਬਦਲਾਅ, ਖੇਤਰੀ ਸੰਪਰਕ, ਅੱਤਵਾਦ ਵਿਰੋਧੀ ਮਸ਼ੀਨਰੀ, ਨਿਰਮਾਣ, ਵਾਤਾਵਰਨ ਅਤੇ ਫ਼ੂਡ ਪ੍ਰੋਸੈਸਿੰਗ ਸ਼ਾਮਲ ਸਨ।
