14.51C Vancouver 14.51C VancouverJun 30, 2021 1:23 AM -
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਵੱਲੋਂ 2 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਹ ਗ੍ਰਿਫਤਾਰੀਆਂ ਜੌਰਡਨ ਸਮਿਥ ਨਾਮ ਦੇ ਵਿਅਕਤੀ ਦੀ ਮੌਤ ਦੇ ਮਾਮਲੇ 'ਚ ਹੋਈਆਂ ਹਨ।
ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਦੀ ਪਛਾਣ ਡੌਰੀਸ ਕੋਮੋਡੋਰ ਅਤੇ ਡੇਵਿਡ ਜੀਓਹੈਗਨ ਵਜੋਂ ਹੋਈ ਹੈ।
ਪੂਰਾ ਮਾਮਲਾ 1 ਨਵੰਬਰ 2019 ਦੀ ਵਾਰਦਾਤ ਨਾਲ ਸੰਬੰਧਤ ਹੈ ਜਦ ਚਿਲਿਵੈਕ ਆਰ.ਸੀ.ਐਮ.ਪੀ. ਨੂੰ 26 ਸਾਲਾ ਜੌਰਡਨ ਸਮਿਥ ਮ੍ਰਿਤ ਮਿਲਿਆ ਸੀ।
ਇਸ ਮਾਮਲੇ ਨੂੰ ਸ਼ੱਕੀ ਮੰਨਿਆ ਗਿਆ ਸੀ ਅਤੇ ਜਾਂਚ ਆਈ.ਹਿਟ ਨੂੰ ਸੌਂਪ ਦਿੱਤੀ ਗਈ ਸੀ।
Integrated Forensic Identification Section ਅਤੇ National Forensic Laboratory Section ਦੇ ਨਾਲ ਮਿਲ ਕੇ ਸਬੂਤ ਜੁਟਾਏ ਗਏ ਜਿਸ ਦੇ ਆਧਾਰ 'ਤੇ ਗ੍ਰਿਫਤਾਰੀਆਂ ਹੋਈਆਂ ਹਨ।
ਇਸ ਮਾਮਲੇ 'ਚ 24 ਸਾਲਾ ਡੌਰੀਸ ਕੋਮੋਡੋਰ ਨੂੰ ਐਬਟਸਫੋਰਡ ਅਤੇ 30 ਸਾਲਾ ਡੇਵਿਡ ਜੀਓਹੈਗਨ ਨੂੰ ਚਿਲਿਵੈਕ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ।
