17.21C Vancouver 17.21C VancouverJan 25, 2024 4:08 PM - The Connect News
ਆਸਟ੍ਰੇਲੀਆ ਦੇ ਵਿਕਟੋਰੀਆ ਵਿਚ ਫਿਲਿਪ ਟਾਪੂ ਦੇ ਸਮੁੰਦਰ ਵਿਚ ਡੁੱਬਣ ਨਾਲ 4 ਭਾਰਤੀਆਂ ਦੀ ਮੌਤ ਹੋ ਗਈ। ਕੈਨਬਰਾ ਵਿਚ ਭਾਰਤੀ ਹਾਈ ਕਮਿਸ਼ਨ ਨੇ ਵੀਰਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ।
ਮ੍ਰਿਤਕਾਂ ਵਿਚ ਤਿੰਨ ਔਰਤਾਂ ਸਨ, ਜਿਨ੍ਹਾਂ ਦੀ ਪਛਾਣ ਸੁਹਾਨੀ ਆਨੰਦ, ਕੀਰਤੀ ਬੇਦੀ ਅਤੇ ਰੀਮਾ ਸੌਂਧੀ ਵਜੋਂ ਹੋਈ। ਉੱਥੇ ਇੱਕ 23 ਸਾਲਾ ਨੌਜਵਾਨ ਜਗਜੀਤ ਸਿੰਘ ਸੀ।
ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਬੀਤੀ ਸ਼ਾਮ 4 ਵਿਅਕਤੀਆਂ ਦੇ ਪਾਣੀ ਵਿਚ ਡੁੱਬਣ ਦੀ ਰਿਪੋਰਟ ਮਿਲੀ,ਰੈਸਕਿਊ ਟੀਮ ਨੇ ਤੁਰੰਤ ਮੌਕੇ ’ਤੇ ਪਹੁੰਚ ਕੇ ਉਨ੍ਹਾਂ ਨੂੰ ਬੇਸੁਧ ਹਾਲਤ ਵਿਚ ਬਾਹਰ ਕੱਢਿਆ, ਜਿਨ੍ਹਾਂ ਵਿਚੋਂ ਤਿੰਨ ਨੇ ਮੌਕੇ ’ਤੇ ਦਮ ਤੋੜ ਦਿੱਤਾ, ਜਦੋਂ ਇੱਕ 20 ਸਾਲਾ ਲੜਕੀ ਨੂੰ ਏਅਰਲਿਫਟ ਕਰਕੇ ਮੈਲਬੌਰਨ ਦੇ ਹਸਪਤਾਲ ਲਿਜਾਇਆ ਗਿਆ ਪਰ ਹਾਲਤ ਨਾਜ਼ੁਕ ਹੋਣ ਦੇ ਚਲਦਿਆਂ ਉਸ ਦੀ ਵੀ ਮੌਤ ਹੋ ਗਈ।
ਲੋਕਲ ਮੀਡੀਆ ਰਿਪੋਰਟਾਂ ਮੁਤਾਬਕ 10 ਲੋਕਾਂ ਦਾ ਇੱਕ ਗਰੁੱਪ ਇੱਥੇ ਪਿਕਨਿਕ ਲਈ ਗਿਆ ਸੀ। ਇਹ ਚਾਰੇ ਵਿਅਕਤੀ ਵੀ ਉਸ ਗਰੁੱਪ ਦਾ ਹਿੱਸਾ ਸਨ। ਜਗਜੀਤ, ਸੁਹਾਨੀ ਅਤੇ ਕੀਰਤੀ ਸਟੂਡੈਂਟ ਵੀਜ਼ਾ ’ਤੇ ਆਸਟ੍ਰੇਲੀਆ ਵਿਚ ਰਹਿ ਰਹੇ ਸਨ, ਜਦੋਂ ਕਿ 43 ਸਾਲਾ ਰੀਮਾ ਸੌਂਧੀ ਆਸਟ੍ਰੇਲੀਆ ਵਿਚ ਘੁੰਮਣ ਗਈ ਸੀ।
