20.64C Vancouver 20.64C VancouverJul 16, 2021 1:22 AM -
ਔਂਟੈਰੀਓ ਦੇ ਬੈਰੀ 'ਚ ਇੱਕ ਜ਼ਬਰਦਸਤ ਤੂਫਾਨ ਨੇ ਦਸਤਕ ਦਿੱਤੀ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਤੂਫਾਨ ਕਾਰਨ ਘਟੋ-ਘੱਟ 8 ਲੋਕ ਜ਼ਖਮੀ ਹੋਏ ਹਨ। ਇਹਨਾਂ 'ਚ 4 ਲੋਕਾਂ ਦੇ ਗੰਭੀਰ ਜ਼ਖਮੀ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ। ਤੂਫਾਨ ਬਾਰੇ ਅੱਜ ਸ਼ਾਮ ਪੁਲਿਸ ਅਤੇ ਪ੍ਰਸ਼ਾਸਨ ਵੱਲੋਂ ਇੱਕ ਪ੍ਰੈਸ ਕਾਨਫਰੰਸ ਕਰ ਜਾਣਕਾਰੀ ਵੀ ਦਿੱਤੀ ਗਈ।
ਇਸ ਤੂਫਾਨ ਕਾਰਨ ਸ਼ਹਿਰ ਦੇ ਕਈ ਘਰਾਂ ਅਤੇ ਇਮਾਰਤਾਂ ਨੂੰ ਵੀ ਨੁਕਸਾਨ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਪੁਲਿਸ ਬੁਲਾਰੇ ਦਾ ਕਹਿਣਾ ਸੀ ਕਿ ਪੈਰਾਮੈਡਿਕਸ ਵੱਲੋਂ ਜ਼ਖਮੀਆਂ ਨੂੰ ਮਦਦ ਪ੍ਰਦਾਨ ਕੀਤੀ ਜਾ ਰਹੀ ਹੈ।
ਕਈ ਘਰਾਂ 'ਚ ਬੱਤੀ ਗੁਲ ਹੋ ਗਈ ਹੈ।
ਬੈਰੀ ਦੇ ਮੇਅਰ ਜੈਫ ਲੇਮਨ ਦਾ ਕਹਿਣਾ ਸੀ ਕਿ ਨੁਕਸਾਨ ਦੀਆਂ ਤਸਵੀਰਾਂ ਵੇਖਦੇ ਹੋਏ ਜਾਪਦਾ ਹੈ ਕਿ ਖੁਸ਼ਕਿਸਮਤੀ ਸੀ ਕਿ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਰਿਹਾ।
