17.32C Vancouver 17.32C VancouverFeb 9, 2022 10:04 PM - The Canadian Press
ਐਵਲਾਂਸ਼ ਕੈਨੇਡਾ ਨੇ ਚੇਤਾਵਨੀ ਦਿੱਤੀ ਹੈ ਕਿ ਸੂਬੇ ਦੇ ਨੌਰਥ-ਵੈਸਟ ਕੋਸਟ ਕੋਲ ਐਲਪਾਈਨ ਇਲਾਕਿਆਂ 'ਚ ਬਰਫ ਖਿਸਕਣ ਦਾ ਖਤਰਾ ਵਧਦਾ ਜਾ ਰਿਹਾ ਹੈ।
ਐਵਲਾਂਸ਼ ਕੈਨੇਡਾ ਦਾ ਕਹਿਣਾ ਹੈ ਕਿ ਇਸ ਇਲਾਕੇ ਦੇ ਪਹਾੜਾਂ 'ਚ ਬਰਫ ਖਿਸਕਣ ਦੇ ਖਤਰੇ ਨੂੰ 'ਐਕਸਟ੍ਰੀਮ' ਸ਼੍ਰੇਣੀ 'ਚ ਰੱਖਿਆ ਗਿਆ ਹੈ।
ਬੈਕਕੰਟਰੀ 'ਚ ਜਾਣ ਦੇ ਇੱਛੁਕ ਲੋਕਾਂ ਨੂੰ ਅਗਲੇ ਕੁਝ ਦਿਨਾਂ ਲਈ ਇਸ ਇਲਾਕੇ ਤੋਂ ਦੂਰ ਰਹਿਣ ਦੀ ਸਲਾਹ ਜਾਰੀ ਕੀਤੀ ਗਈ ਹੈ।
ਮਾਹਿਰਾਂ ਦਾ ਕਹਿਣਾ ਹੈ ਕਿ ਬਰਫ, ਬਾਰਿਸ਼ ਤੇ ਲਗਾਤਾਰ ਵਧਦੇ ਤਾਪਮਾਨ ਵਿਚਾਲੇ ਐਵਲਾਂਸ਼ ਦਾ ਖਤਰਾ ਕਾਫੀ ਵਧ ਗਿਆ ਹੈ।
ਚੇਤਾਵਨੀ ਦਾ ਸਾਹਮਣਾ ਕਰ ਰਹੇ ਇਲਾਕਿਆਂ 'ਚ ਟੈਰੇਸ ਤੇ ਕੀਟਿਮੈਟ ਦੇ ਇਲਾਕੇ ਵੀ ਸ਼ਾਮਿਲ ਹੈ।
ਐਕਟ੍ਰੀਮ ਰੇਟਿੰਗ ਦਾ ਅਰਥ ਹੈ ਕਿ ਵੱਡੇ ਪੱਧਰ 'ਤੇ ਨੈਚੁਰਲ ਜਾਂ ਮਨੁੱਖੀ ਕਾਰਨਾਂ ਦੇ ਚਲਦਿਆਂ ਐਵਲਾਂਸ਼ ਹੋਣਾ ਲਗਭਗ ਨਿਸ਼ਚਿਤ ਮੰਨਿਆ ਜਾਂਦਾ ਹੈ।
ਨੌਰਥ ਕੋਸਟ ਦੇ ਵੱਡੇ ਇਲਾਕੇ ਲਈ ਐਨਵਾਇਰਨਮੈਂਟ ਕੈਨੇਡਾ ਨੇ ਬਾਰਿਸ਼ ਸੰਬੰਧੀ ਚੇਤਾਵਨੀ ਜਾਰੀ ਕੀਤੀ ਹੈ।
ਟੈਰੇਸ ਤੇ ਕੀਟਿਮੈਟ ਸਮੇਤ ਕਈ ਇਲਾਕਿਆਂ 'ਚ 60mm ਤਕ ਬਾਰਿਸ਼ ਦੀ ਸੰਭਾਵਨਾ ਹੈ।
