11.3C Vancouver 11.3C VancouverApr 9, 2024 8:31 PM - The Canadian Press
ਬੀ.ਸੀ. ਦੇ ਘੱਟ ਆਮਦਨ ਵਾਲੇ ਬਜ਼ੁਰਗਾਂ ਅਤੇ ਪਰਿਵਾਰਾਂ ਨੂੰ $430 ਦਾ ਵਨ ਟਾਈਮ ਲਾਭ ਮਿਲਣ ਜਾ ਰਿਹਾ ਹੈ। ਅਸਲ ਵਿਚ ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ ਅਤੇ ਸ਼ੈਲਟਰ ਏਡ ਪ੍ਰੋਗਰਾਮ ਰਾਹੀਂ ਰੈਂਟ ਸਬਸਿਡੀ ਪ੍ਰਾਪਤ ਕਰਨ ਵਾਲੇ ਪਰਿਵਾਰਾਂ ਅਤੇ ਘੱਟ ਆਮਦਨ ਵਾਲੇ ਬਜ਼ੁਰਗਾਂ ਨੂੰ ਹੁਣ ਵਨ ਟਾਈਮ ਲਾਭ ਮਿਲੇਗਾ।
ਬੀ.ਸੀ. ਸਰਕਾਰ ਨੇ ਅੱਜ ਸਵੇਰੇ ਇਸ ਦਾ ਐਲਾਨ ਕਰਦੇ ਹੋਏ ਦੱਸਿਆ ਕਿ $430 ਦਾ ਵਨ ਟਾਈਮ ਲਾਭ ਇਸ ਮਹੀਨੇ ਪ੍ਰਾਪਤਕਰਤਾ ਦੇ ਬੈਂਕ ਖਾਤੇ ਵਿਚ ਆ ਜਾਵੇਗਾ। ਬੀ.ਸੀ. ਦੇ ਹਾਊਸ ਮੰਤਰੀ ਰਵੀ ਕਾਹਲੋਂ ਦਾ ਕਹਿਣਾ ਹੈ ਕਿ ਸ਼ੈਲਟਰ ਏਡ ਪ੍ਰੋਗਰਾਮ ਵਿੱਚ ਕੀਤੀਆਂ ਜਾ ਰਹੀਆਂ ਵਾਧੂ ਤਬਦੀਲੀਆਂ ਨਾਲ ਅੰਦਾਜ਼ਨ 4,800 ਹੋਰ ਬਜ਼ੁਰਗ ਇਸ ਨਾਲ ਜੁੜਨਗੇ ਅਤੇ ਮੌਜੂਦਾ ਪ੍ਰਾਪਤਕਰਤਾਵਾਂ ਨੂੰ ਪ੍ਰਤੀ ਮਹੀਨਾ ਲਗਭਗ $110 ਦਾ ਵਾਧਾ ਦੇਖਣ ਨੂੰ ਮਿਲੇਗਾ।
ਕਾਹਲੋਂ ਨੇ ਕਿਹਾ ਕਿ ਉਹ ਵਧੇਰੇ ਬਜ਼ੁਰਗਾਂ ਦੀ ਸਹਾਇਤਾ ਕਰਨ ਲਈ ਸ਼ੈਲਟਰ ਏਡ ਪ੍ਰੋਗਰਾਮ ਵਿੱਚ ਤਬਦੀਲੀਆਂ ਕਰ ਰਹੇ ਹਨ ਅਤੇ ਬਜ਼ੁਰਗਾਂ ਅਤੇ ਪਰਿਵਾਰਾਂ ਲਈ ਇੱਕ ਟਾਪ-ਅੱਪ ਚੈੱਕ ਪ੍ਰਦਾਨ ਕਰ ਰਹੇ ਹਨ ਜੋ ਹੁਣ ਰਹਿਣ ਦੀ ਕੀਮਤ ਅਤੇ ਕਿਰਾਏ ਨਾਲ ਸੰਘਰਸ਼ ਕਰ ਰਹੇ ਹਨ।
