12.59C Vancouver 12.59C VancouverMay 18, 2021 10:58 PM -
ਬੀ.ਸੀ. 'ਚ ਲਗਾਤਾਰ 2 ਦਿਨਾਂ 'ਚ ਦੂਜੀ ਵਾਰ ਇੱਕ ਪੁਲਿਸ ਏਜੈਂਸੀ ਨੇ ਗੈਂਗ ਹਿੰਸਾ ਦੇ ਖਤਰੇ ਬਾਰੇ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।
ਕੰਬਾਈਂਡ ਫੋਰਸਿਜ਼ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਵੱਲੋਂ 11 ਕਥਿਤ ਗੈਂਗਸਟਰਾਂ ਬਾਰੇ ਜਾਣਕਾਰੀ ਜਾਰੀ ਕੀਤੀ ਗਈ ਹੈ ਜਿੰਨਾ ਦੇ ਤਾਰ ਲੋਅਰ ਮੇਨਲੈਂਡ 'ਚ ਜਾਰੀ ਗੈਂਗ ਹਿੰਸਾ ਨਾਲ ਜੁੜੇ ਦੱਸੇ ਜਾ ਰਹੇ ਹਨ।
ਇਹਨਾਂ ਦੀ ਉਮਰ 21 ਤੋਂ 40 ਸਾਲ ਦੇ ਦਰਮਿਆਨ ਦੀ ਹੈ।
ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਦੇ ਮੁਖੀ ਮੈਨੀ ਮਾਨ ਦਾ ਕਹਿਣਾ ਹੈ ਕਿ ਚੇਤਾਵਨੀ ਦੇਣ ਦੇ ਨਾਲ ਹੀ, ਵੈਨਕੂਵਰ ਪੁਲਿਸ ਡਿਪਾਰਟਮੈਂਟ ਦੀ ਤਰ੍ਹਾਂ ਕੁਝ ਲੋਕਾਂ ਦੀਆਂ ਤਸਵੀਰਾਂ ਅਤੇ ਨਾਮ ਸਾਂਝੇ ਕੀਤੇ ਜਾ ਰਹੇ ਹਨ।
ਵੈਨਕੂਵਰ ਪੁਲਿਸ ਨੇ ਬੀਤੇ ਕੱਲ 6 ਕਥਿਤ ਗੈਂਗਸਟਰਾਂ ਦੀਆਂ ਤਸਵੀਰਾਂ ਅਤੇ ਨਾਮ ਸਾਂਝੇ ਕੀਤੇ ਸਨ।
ਇਸ ਚੇਤਾਵਨੀ 'ਚ 3 ਅਜਿਹੇ ਲੋਕਾਂ ਦੇ ਨਾਮ ਵੀ ਸ਼ਾਮਿਲ ਹਨ ਜਿੰਨਾ ਦੇ ਨਾਮ ਵੈਨਕੂਵਰ ਪੁਲਿਸ ਨੇ ਵੀ ਸਾਂਝੇ ਕੀਤੇ ਸਨ।
ਯੂਨਿਟ ਦਾ ਕਹਿਣਾ ਹੈ ਕਿ ਇਹ 11 ਲੋਕ ਆਉਂਦੇ ਸਮੇਂ 'ਚ ਹਿੰਸਾ ਦਾ ਨਿਸ਼ਾਨਾ ਬਣ ਸਕਦੇ ਹਨ ਅਤੇ ਉਨ੍ਹਾਂ ਦੇ ਕੋਲ ਖੜੇ ਲੋਕਾਂ ਲਈ ਵੀ ਖਤਰਾ ਹੋ ਸਕਦਾ ਹੈ।
ਜਿਹੜੇ ਲੋਕਾਂ ਦੇ ਨਾਮ ਜਾਰੀ ਕੀਤੇ ਗਏ ਹਨ ਉਸ 'ਚ 26 ਸਾਲਾ ਸ਼ਕੀਲ ਬਸਰਾ, 26 ਸਾਲਾ ਐਲਬਰਟ ਡਾਰਿਓ, 37 ਸਾਲਾ ਬਰਿੰਦਰ ਧਾਲੀਵਾਲ, 27 ਸਾਲਾ ਮਨਿੰਦਰ ਧਾਲੀਵਾਲ, 28 ਸਾਲਾ ਸਮਰੂਪ ਗਿੱਲ, 27 ਸਾਲਾ ਸਮਦੀਸ਼ ਗਿੱਲ, 40 ਸਾਲਾ ਡੇਮੀਅਨ ਰਾਇਨ, 26 ਸਾਲਾ ਅਮਰਪ੍ਰੀਤ ਸਮਰਾ, 34 ਸਾਲਾ ਰਵਿੰਦਰ ਸਮਰਾ, 28 ਸਾਲਾ ਜੋਸਫ ਵ੍ਹਿਟਕੌਕ ਅਤੇ 21 ਸਾਲਾ ਮਿਨ ਜ਼ਿਨ ਦੇ ਨਾਮ ਸ਼ਾਮਿਲ ਹਨ।
