16.39C Vancouver 16.39C VancouverSep 13, 2021 8:53 PM -
ਬੀ.ਸੀ. ਦੇ ਬਜਟ ਡੈਫੀਸਿਟ ਨੂੰ ਪਹਿਲਾਂ ਦੇ ਅਨੁਮਾਨ ਤੋਂ ਘੱਟ ਰਹਿਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਕੋਵਿਡ-19 ਪੈਂਡੈਮਿਕ ਨੂੰ ਇਕਾਨਮੀ ਲਈ ਖਤਰਾ ਮੰਨਿਆ ਜਾ ਰਿਹਾ ਹੈ ਅਤੇ ਇਸੇ ਵਿਚਾਲੇ ਵਿੱਤੀ ਘਾਟੇ ਦੇ ਅਨੁਮਾਨ ਜਾਰੀ ਕੀਤੇ ਗਏ ਸਨ।
ਵਿੱਤ ਮੰਤਰੀ ਸਿਲੀਨਾ ਰੌਬਿਨਸਨ ਦਾ ਕਹਿਣਾ ਹੈ ਕਿ ਸੂਬੇ ਦੀ ਸਾਲ 2021-2022 ਦੇ ਪਹਿਲੇ 3 ਮਹੀਨੇ ਲਈ ਵਿੱਤੀ ਸਟੇਟਮੈਂਟ 'ਚ $4.8 ਬਿਲੀਅਨ ਦੇ ਘਾਟੇ ਦਾ ਅਨੁਮਾਨ ਪੇਸ਼ ਕੀਤਾ ਗਿਆ ਹੈ।
ਇਸ ਨੂੰ ਪਹਿਲਾਂ ਪੇਸ਼ ਕੀਤੇ ਗਏ $9.7 ਬਿਲੀਅਨ ਦੇ ਘਾਟੇ ਦੇ ਅਨੁਮਾਨ ਮੁਕਾਬਲੇ ਅੱਧੇ ਤੋਂ ਵੀ ਘਟ ਦੱਸਿਆ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਡੈਫੀਸਿਟ ਪ੍ਰੋਜੈਕਸ਼ਨ 'ਚ ਕਮੀ ਜੌਬ ਮਾਰਕਿਟ 'ਚ ਬਿਹਤਰੀ ਦਾ ਨਤੀਜਾ ਹੈ।
ਉਨ੍ਹਾਂ ਇਸ ਦੇ ਲਈ ਨੈਚੁਰਲ ਰਿਸੋਰਸਿਸ ਤੋਂ ਵਧੇਰੇ ਰੈਵੀਨਿਊ ਅਤੇ ਫੈਡਰਲ ਟਰਾਂਸਫਰ ਨੂੰ ਵੀ ਇੱਕ ਕਾਰਨ ਦੱਸਿਆ।
ਸਿਲੀਨਾ ਰੌਬਿਨਸਨ ਨੇ ਕਿਹਾ ਕਿ ਬੀ.ਸੀ. ਦੀ ਇਕਾਨਮੀ 'ਚ 4% ਦਾ ਵਾਧਾ ਹੋਣ ਦਾ ਅਨੁਮਾਨ ਵੀ ਪੇਸ਼ ਕੀਤਾ ਗਿਆ ਹੈ।
ਇਸ ਨੂੰ ਬਜਟ 'ਚ ਪੇਸ਼ ਕੀਤੇ ਗਏ 3.8% ਦੇ ਵਾਧੇ ਮੁਕਾਬਲੇ ਵਧੇਰੇ ਦੱਸਿਆ ਗਿਆ ਹੈ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਕੋਵਿਡ-19 ਪੈਂਡੈਮਿਕ ਹੁਣ ਵੀ ਸੂਬੇ ਦੀ ਵਿੱਤੀ ਰਿਕਵਰੀ ਲਈ ਖਤਰਾ ਬਣਿਆ ਹੋਇਆ ਹੈ।
