15.1C Vancouver 15.1C VancouverOct 28, 2021 9:04 PM - The Canadian Press
ਬੀ.ਸੀ. 'ਚ ਕੈਮਲੂਪਸ ਕੋਲ ਸਥਿਤ ਇੱਕ ਫਰਸਟ ਨੇਸ਼ਨ ਦਾ ਕਹਿਣਾ ਹੈ ਕਿ ਉਹ ਪੋਪ ਫਰਾਂਸਿਸ ਦਾ ਇਲਾਕੇ 'ਚ ਸਵਾਗਤ ਕਰਨਾ ਚਾਹੁਣਗੇ।
ਟੈਕਮਲੂਪਸ ਸੁਵੈਟਮਕ ਫਰਸਟ ਨੇਸ਼ਨ ਦਾ ਕਹਿਣਾ ਹੈ ਕਿ ਜੇਕਰ ਪੋਪ ਫਰਾਂਸਿਸ ਕੈਨੇਡਾ ਦਾ ਦੌਰਾ ਕਰਦੇ ਹਨ ਤਾਂ ਕੈਮਲੂਪਸ ਆਉਣਾ ਬੇਹੱਦ ਅਰਥਪੂਰਨ ਹੋਵੇਗਾ।
ਹਾਲਾਂਕਿ ਫਿਲਹਾਲ ਪੋਪ ਫਰਾਂਸਿਸ ਦੇ ਕੈਨੇਡਾ ਆਉਣ ਸੰਬੰਧੀ ਕਿਸੇ ਤਰੀਕ ਦਾ ਐਲਾਨ ਨਹੀਂ ਕੀਤਾ ਗਿਆ ਹੈ।
ਵੈਟੀਕਨ ਨੇ ਕੱਲ ਜਾਣਕਾਰੀ ਦਿੱਤੀ ਸੀ ਕਿ ਪੋਪ ਕੈਨੇਡਾ ਦੇ ਦੌਰੇ ਲਈ ਤਿਆਰ ਹਨ ਅਤੇ ਇਹ ਇੰਡੀਜਨਸ ਲੋਕਾਂ ਨਾਲ ਰੀਕੰਸੀਲੀਏਸ਼ਨ ਦੀ ਪ੍ਰੀਕਿਰਿਆ ਦਾ ਹਿੱਸਾ ਹੋਵੇਗਾ।
ਚੀਫ਼ ਰੋਜ਼ੇਨ ਕੈਸਿਮਿਰ ਨੇ ਇੱਕ ਬਿਆਨ 'ਚ ਕਿਹਾ ਕਿ ਜੇਕਰ ਪੋਪ ਦੇ ਦੌਰੇ ਦੀ ਇਕੱਲੀ ਵਜ੍ਹਾ ਰੀਕੰਸੀਲੀਏਸ਼ਨ ਹੈ ਅਤੇ ਇਸ ਦੌਰਾਨ ਕਿਸੇ ਠੋਸ ਐਕਸ਼ਨ ਦਾ ਪਲੈਨ ਨਹੀਂ ਹੈ ਤਾਂ ਇਸ ਦੌਰੇ ਦੌਰਾਨ ਕਈ ਸਖਤ ਸੱਚਾਈਆਂ 'ਤੇ ਗੱਲ ਨਹੀਂ ਹੋ ਸਕੇਗੀ।
ਯਾਦ ਰਹੇ ਇਸ ਇਲਾਕੇ 'ਚ ਸਥਿਤ ਰੈਜ਼ੀਡੈਂਸ਼ੀਅਲ ਸਕੂਲ ਕੋਲ 200 ਤੋਂ ਵਧੇਰੇ ਅਨਮਾਰਕਡ ਗ੍ਰੇਵਸ ਮਿਲੇ ਸਨ।
