22.77C Vancouver 22.77C VancouverMar 17, 2022 9:14 PM - The Canadian Press
ਬੀ.ਸੀ. ਸਰਕਾਰ ਵੱਲੋਂ ਬੇਘਰੀ ਦੀ ਸਮੱਸਿਆ ਨਾਲ ਨਜਿੱਠਣ ਲਈ ਕੁਝ ਸਹਿਯੋਗ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਅੱਜ ਸੂਬੇ ਦੇ ਕਈ ਕੈਬਿਨੇਟ ਮੰਤਰੀ ਇਕੱਤਰ ਹੋਏ ਅਤੇ ਇੱਕ ਨਿਊਜ ਕਾਨਫਰੰਸ ਦੌਰਾਨ $633 ਮਿਲੀਅਨ ਦੀ ਫੰਡਿੰਗ ਬਾਰੇ ਵੇਰਵੇ ਸਾਂਝੇ ਕੀਤੇ।
ਇਸ ਫੰਡਿੰਗ ਬਾਰੇ ਪਹਿਲਾਂ ਸਾਲ 2022 ਦੇ ਬਜਟ ਦੌਰਾਨ ਐਲਾਨ ਕੀਤਾ ਗਿਆ ਸੀ।
ਬੇਘਰੀ ਨਾਲ ਜੂਝ ਰਹੇ ਲੋਕਾਂ ਲਈ ਇਹ ਮਦਦ ਅਗਲੇ 3 ਸਾਲ 'ਚ ਪਹੁੰਚਾਈ ਜਾਵੇਗੀ।
ਮਿਨਿਸਟਰ ਆਫ ਚਿਲਡਰਨ ਐਂਡ ਫੈਮਿਲੀ ਡਿਵੈਲਪਮੈਂਟ, ਮਿਟਜ਼ੀ ਡੀਨ ਦਾ ਕਹਿਣਾ ਹੈ ਕਿ $35 ਮਿਲੀਅਨ ਦੀ ਰਾਸ਼ੀ ਅਗਲੇ 3 ਸਾਲ 'ਚ ਪਹਿਲਾਂ ਕੇਅਰ 'ਚ ਰਹਿ ਚੁੱਕੇ ਯੂਥ ਲਈ ਜਾਰੀ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਯੁਵਾ ਲੋਕਾਂ 'ਚ ਕਰੀਬ ਅੱਧੇ ਆਪਣੇ ਜੀਵਨ 'ਚ ਕਿਸੇ ਨਾ ਕਿਸੇ ਮੌਕੇ ਬੇਘਰੀ ਦਾ ਸਾਹਮਣਾ ਕਰਦੇ ਹਨ।
ਡੀਨ ਨੇ ਕਿਹਾ ਕਿ ਇਸ ਆਸਰੇ $1,250 ਪ੍ਰਤੀ ਮਹੀਨਾ ਦਾ ਇੱਕ ਸਾਲ ਦਾ ਸਪਲੀਮੈਂਟ ਦਿੱਤਾ ਜਾਵੇਗਾ ਜੋ ਕਿ ਕਿਸੇ ਪ੍ਰਕਾਰ ਦੀ ਕਮਾਈ ਨਾਲ ਸੀਮਤ ਨਹੀਂ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਯੁਵਾ ਵਰਗ ਕੋਲ ਮੌਕਾ ਹੋਵੇਗਾ ਕਿ ਕੰਮ ਕਰ ਸਕਣ ਅਤੇ ਆਪਣੀ ਸੁਤੰਤਰਤਾ ਬਰਕਰਾਰ ਕਰ ਸਕਣ।
ਯੁਵਾ ਐਡਲਟਸ ਨੂੰ $600 ਦੇ ਪ੍ਰਤੀ ਮਹੀਨਾ ਰੈਂਟਲ ਸਪਲੀਮੈਂਟ ਲਈ ਐਲੀਜੀਬਲ ਹੋਣ ਸੰਬੰਧੀ ਵੀ ਜਾਣਕਾਰੀ ਦਿੱਤੀ ਗਈ।
ਇਸ ਤੋਂ ਇਲਾਵਾ ਸਰਕਾਰ ਦੇ ਕੰਪਲੈਕਸ ਕੇਅਰ ਹਾਊਸਿੰਗ ਪ੍ਰੋਗਰਾਮ ਤਹਿਤ $164 ਮਿਲੀਅਨ ਦੀ ਵਰਤੋਂ ਕੀਤੀ ਜਾਵੇਗੀ।
ਇਸ ਤੋਂ ਇਲਾਵਾ 3,000 ਦੇ ਕਰੀਬ ਲੋਕਾਂ ਲਈ ਪਰਮਾਨੈਂਟ ਹਾਊਸਿੰਗ ਪਲੈਨ ਤਹਿਤ $264 ਮਿਲੀਅਨ ਦਾ ਨਿਵੇਸ਼ ਹੋਵੇਗਾ।
