19.22C Vancouver 19.22C VancouverDec 29, 2020 6:23 PM -
ਬੀ.ਸੀ. 'ਚ 3 ਰੀਜਨਲ ਹੈਲਥ ਅਥਾਰਿਟੀਸ ਨੇ ਕੋਵਿਡ-19 ਦੇ ਨਵੇਂ ਆਊਟਬ੍ਰੇਕ ਐਲਾਨੇ ਹਨ।
ਇਹ ਆਊਟਬ੍ਰੇਕ ਅਸਿਸਟਿਡ ਲਿਵਿੰਗ ਅਤੇ ਲੌਂਗ ਟਰਮ ਕੇਅਰ ਹੋਮਸ 'ਚ ਐਲਾਨੇ ਗਏ ਹਨ।
ਇੰਟੀਰੀਅਰ ਹੈਲਥ ਰਿਜਨ ਦੇ ਇੱਕ ਲੌਂਗ ਟਰਮ ਕੇਅਰ ਹੋਮ 'ਚ ਕੋਵਿਡ-19 ਆਊਟਬ੍ਰੇਕ ਐਲਾਨ ਦਿੱਤਾ ਗਿਆ ਹੈ।
ਮਾਮਲਾ ਵੇਰਨਨ ਦੇ ਹੈਰੀਟੇਜ ਸਕਵੇਅਰ ਨਾਲ ਸੰਬੰਧਤ ਹੈ।
ਇਸ ਜਗ੍ਹਾ 10 ਲੋਕਾਂ ਨੂੰ ਵਾਇਰਸ ਤੋਂ ਪ੍ਰਭਾਵਿਤ ਪਾਇਆ ਗਿਆ ਹੈ।
ਇਸ 'ਚ 4 ਸਟਾਫ਼ ਮੈਂਬਰ ਅਤੇ 6 ਰੈਜੀਡੈਂਟਸ ਨੂੰ ਪੀੜਤ ਦੱਸਿਆ ਗਿਆ ਹੈ।
ਫਰੇਜ਼ਰ ਹੈਲਥ ਰਿਜਨ 'ਚ 2 ਆਊਟਬ੍ਰੇਕ ਐਲਾਨੇ ਗਏ ਹਨ।
ਬਰਨਬੀ ਦੀ ਰਿਡੋ ਰਿਟਾਇਰਮੈਂਟ ਰੈਜ਼ੀਡੈਂਸ 'ਚ ਕੋਵਿਡ-19 ਦੇ 2 ਮਾਮਲੇ ਉਜਾਗਰ ਹੋਏ ਹਨ।
ਸਰੀ 'ਚ ਬਰੁਕਸਾਈਡ ਲੌਜ ਵਿੱਚ 2 ਸਟਾਫ਼ ਮੈਂਬਰਾਂ ਨੂੰ ਵਾਇਰਸ ਤੋਂ ਪੀੜਤ ਪਾਇਆ ਗਿਆ ਹੈ।
ਆਈਲੈਂਡ ਹੈਲਥ ਦਾ ਕਹਿਣਾ ਹੈ ਕਿ ਨਨਾਈਮੋ 'ਚ 'ਚਾਰਟਵੈਲ ਮਾਲਾਸਪੀਨਾ ਕੇਅਰ ਰੈਜ਼ੀਡੈਂਸ' ਵਿੱਚ ਇੱਕ ਰੈਜੀਡੈਂਟ ਨੂੰ ਵਾਇਰਸ ਤੋਂ ਪ੍ਰਭਾਵਿਤ ਪਾਇਆ ਗਿਆ ਹੈ।
ਇਸ ਜਗ੍ਹਾ ਆਊਟਬ੍ਰੇਕ ਨੂੰ ਇੱਕ ਯੂਨਿਟ ਤੱਕ ਸੀਮਤ ਦੱਸਿਆ ਗਿਆ ਹੈ ਅਤੇ ਇੱਕ ਮੰਜਿਲ 'ਤੇ ਆਵਾਜਾਈ ਨੂੰ ਬੰਦ ਕਰ ਦਿੱਤਾ ਗਿਆ ਹੈ।
