13.99C Vancouver 13.99C VancouverJan 21, 2021 9:18 PM -
ਬੀ.ਸੀ. ਦੇ ਸਾਬਕਾ ਲਿਬਰਲ ਵਿੱਤ ਮੰਤਰੀ, ਕੌਲਿਨ ਹੈਨਸਨ ਅਤੇ ਮੌਜੂਦਾ ਲਿਬਰਲ ਐਮ.ਐਲ.ਏ. ਜੈਕੀ ਟੇਗਾਰਟ ਨੂੰ ਪਾਰਟੀ ਵੱਲੋਂ ਲੀਡਰਸ਼ਿਪ ਦੌੜ ਲਈ ਪਾਰਟੀ ਨੂੰ ਤਿਆਰ ਕਰਨ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਵਿਕਟੋਰੀਆ ਦੀ ਰੌਕਸੈਨ ਹੈਲਮ ਦੇ ਨਾਲ ਹੈਨਸਨ ਦੀ ਲੀਡਰਸ਼ਿਪ ਇਲੈਕਸ਼ਨ ਔਰਗੇਨਾਈਜ਼ਿੰਗ ਕਮੇਟੀ ਨੂੰ ਕੋ-ਚੇਅਰ ਕਰਨ ਦੀ ਜ਼ਿੰਮੇਵਾਰੀ ਹੋਵੇਗੀ।
ਇਸ 'ਚ ਟੇਗਾਰਟ, ਪ੍ਰਿੰਸ ਜੌਰਜ ਦੇ ਕੈਮਰੋਨ ਸਟੋਲਜ਼, ਪ੍ਰਿੰਸ ਰੂਪਰਟ ਦੇ ਡੌਨ ਸਿਲਵਰਸਾਈਡਸ ਵੀ ਸ਼ਾਮਿਲ ਹੋਣਗੇ।
ਕਮੇਟੀ ਵੱਲੋਂ ਚੋਣਾਂ ਦੀ ਸਮੇਂ ਸੀਮਾ ਤਿਆਰ ਕੀਤੀ ਜਾਵੇਗੀ।
ਨਵੇਂ ਲੀਡਰ ਦੀ ਚੋਣ ਲਈ ਨਿਯਮਾਂ ਅਤੇ ਪ੍ਰੀਕਿਰਿਆ ਸਥਾਪਿਤ ਕਰਨ ਦੀ ਵੀ ਇਹਨਾਂ 'ਤੇ ਜ਼ਿੰਮੇਵਾਰੀ ਹੋਵੇਗੀ।
ਯਾਦ ਰਹੇ ਪਾਰਟੀ ਦੇ ਸਾਬਕਾ ਲੀਡਰ, ਐਂਡਰਿਊ ਵਿਲਕਿੰਸਨ ਨੇ ਉਸ ਵੇਲੇ ਅਸਤੀਫਾ ਦੇ ਦਿੱਤਾ ਸੀ, ਜਦ ਉਨ੍ਹਾਂ ਦੀ ਪਾਰਟੀ ਨੂੰ ਚੋਣਾਂ ਦੌਰਾਨ 15 ਸੀਟਾਂ ਦਾ ਨੁਕਸਾਨ ਝੱਲਣਾ ਪਿਆ ਸੀ।
