ਜੰਗਲੀ ਅੱਗ ਕਾਰਨ ਵਿਸਥਾਪਿਤ ਹੋਏ ਲੋਕ ਅਗਲੇ ਹਫਤੇ ਫੋਰਟ ਨੈਲਸਨ ਵਾਪਸ ਆ ਸਕਦੇ ਹਨ: ਮੇਅਰ ਰੌਬ ਫਰੇਜ਼ਰ

ਬੀ.ਸੀ. ਦੇ ਮੇਅਰ ਰੌਬ ਫਰੇਜ਼ਰ ਨੇ ਉਮੀਦ ਜਤਾਈ ਹੈ ਕਿ ਜੰਗਲੀ ਅੱਗ ਕਾਰਨ ਵਿਸਥਾਪਿਤ ਹੋਏ ਲੋਕ ਅਗਲੇ ਹਫਤੇ ਦੇ ਸ਼ੂਰੂ ਵਿਚ ਫੋਰਟ ਨੈਲਸਨ ਵਾਪਸਆ ਸਕਦੇ ਹਨ। ਫਰੇਜ਼ਰ ਦਾ ਕਹਿਣਾ ਹੈ ਕਿ ਸਥਾਨਕ ਅਧਿਕਾਰੀਆਂ ਵਲੋਂ ਲਗਭਗ 2 ਹਫਤਿਆਂ ਬਾਅਦ 4,700 ਦੇ ਕਰੀਬ ਵਸਨੀਕਾਂ ਦੀ ਘਰ ਵਾਪਸੀ ਸ਼ੁਰੂ ਕਰਵਾਉਣ ਲਈ ਸੋਮਵਾਰ ਜਾਂ ਮੰਗਲਵਾਰ ਤਕ ਦੀ ਡੈੱਡਲਾਈਨ ’ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ।

ਫਰੇਜ਼ਰ ਅਨੁਸਾਰ ਪਾਰਕਰ ਝੀਲ ਦੀ ਅੱਗ ਕਾਰਨ ਪੈਦਾ ਹੋਣ ਵਾਲੇ ਸੰਭਾਵਿਤ ਜੋਖਮ ਨੂੰ ਘਟਾ ਦਿੱਤਾ ਗਿਆ ਹੈ ਅਤੇ ਅਧਿਕਾਰੀ ਵਸਨੀਕਾਂ ਨੂੰ ਪੜਾਅਵਾਰ ਤਰੀਕੇ ਨਾਲ ਵਾਪਸ ਲਿਆਉਣ ਬਾਰੇ ਸੋਚ ਰਹੇ ਹਨ। ਬੁੱਧਵਾਰ ਨੂੰ ਪੋਸਟ ਕੀਤੀ ਇਕ ਵੀਡੀਓ ਤੋਂ ਪਤਾ ਲੱਗਦਾ ਹੈ ਕਿ ਕਮਿਊਨਿਟੀ ਵਿਚ ਕੁਝ ਡਾਕਟਰ ਕਰਿਆਨਾ ਦਾ ਸਟਾਫ਼ ਸਮੇਤ ਵਾਪਸ ਆ ਗਏ ਹਨ।

ਫਰੇਜ਼ਰ ਦਾ ਕਹਿਣਾ ਹੈ ਕਿ ਇਸ ਤੋਂ ਪਹਿਲਾਂ ਹਾਈਡਰੋ ਅਤੇ ਹਾਈਡਰੋਇਲੈਕਟ੍ਰਿਕ ਸੇਵਾਵਾਂ ਕੰਮ ਕਰ ਰਹੀਆਂ ਸਨ ਅਤੇ ਫੋਰਟਿਸ ਬੀ.ਸੀ. ਦੇ ਕਰਮਚਾਰੀ ਕਸਬੇ ਵਿੱਚ ਕੁਦਰਤੀ ਗੈਸ ਕੰਪਨੀ ਦੇ ਬੁਨਿਆਦੀ ਢਾਂਚੇ ਦੀ ਜਾਂਚ ਕਰ ਰਹੇ ਸਨ।