17.97C Vancouver 17.97C VancouverMay 19, 2021 3:27 PM -
ਪਿਛਲੇ ਹਫਤੇ ਬ੍ਰਿਟਿਸ਼ ਕੋਲੰਬੀਆ ਦੇ ਦੱਖਣੀ ਇੰਟੀਰੀਅਰ ਇਲਾਕੇ ਵਿੱਚ ਪਾਏ ਗਏ ਮ੍ਰਿਤਕ ਸਰੀਰ ਦੋ ਭਰਾਵਾਂ ਦੇ ਸਨ ਅਤੇ ਪੁਲਿਸ ਵੱਲੋਂ ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਉਨ੍ਹਾਂ ਦੇ ਕਤਲ ਦੀ ਗੁੱਥੀ ਸੁਲਝਾਉਣ ਵਿੱਚ ਪਬਲਿਕ ਮਦਦ ਕਰ ਸਕੇਗੀ।
ਪੁਲਿਸ ਅਨੁਸਾਰ ਉਨ੍ਹਾਂ ਵੱਲੋਂ 29 ਸਾਲਾ ਐਰਿਕ ਫਰਾਇਰ ਅਤੇ 31 ਸਾਲਾ ਕਾਰਲੋਸ ਫਰਾਇਰ ਦੇ ਨਾਂ ਇਸ ਉਮੀਦ ਨਾਲ ਸਾਂਝੇ ਕੀਤੇ ਜਾ ਰਹੇ ਹਨ ਤਾਂ ਕਿ ਮਾਮਲੇ ਦੀ ਜਾਂਚ ਵਿੱਚ ਸਹਿਯੋਗ ਮਿਲ ਸਕੇ।
ਪੁਲਿਸ ਮੁਤਾਬਕ ਕੈਮਲੂਪਸ ਦੇ ਰਹਿਣ ਵਾਲੇ ਦੋਵਾਂ ਭਰਾਵਾਂ ਦੇ ਮ੍ਰਿਤਕ ਸਰੀਰ ਇੱਕ ਜੋੜੇ ਨੂੰ ਸੈਰ ਕਰਦਿਆਂ ਪੇਂਟਿਕਟਨ ਦੇ ਨਜ਼ਦੀਕ ਨਾਰਾਮਤਾ ਕ੍ਰੀਕ ਕੋਲ ਮਿਲੇ ਸਨ।
ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਨੂੰ ਮਿਥਕੇ ਨਿਸ਼ਾਨਾ ਬਣਾਇਆ ਗਿਆ ਸੀ।
ਪੁਲਿਸ ਅਨੁਸਾਰ ਇਹ ਵਾਰਦਾਤ ਲੋਅਰ ਮੇਨਲੈਂਡ ਵਿੱਚ ਚੱਲ ਰਹੀ ਗੈਂਗ ਹਿੰਸਾ ਨਾਲ ਸਬੰਧਤ ਪ੍ਰਤੀਤ ਨਹੀਂ ਹੁੰਦੀ।
ਬੀ.ਸੀ. ਕੋਰਨਰਜ਼ ਸਰਵਿਸ ਵੱਲੋਂ ਮੌਤ ਦੇ ਕਾਰਨਾਂ ਦੀ ਤਫਤੀਸ਼ ਕੀਤੀ ਜਾ ਰਹੀ ਹੈ।
