11.81C Vancouver 11.81C VancouverMay 15, 2024 3:17 PM - The Canadian Press
ਬੀ.ਸੀ. ਦੇ ਇਕ ਸਾਬਕਾ ਜੰਗਲਾਤ ਮੰਤਰੀ ਦਾ ਕਹਿਣਾ ਹੈ ਕਿ ਸੂਬੇ ਨੂੰ ਇਕ ਸਮਰਪਿਤ, ਅੰਤਰ-ਸਰਕਾਰੀ ਜੰਗਲੀ ਅੱਗ ਰਣਨੀਤੀ ਦੀ ਲੋੜ ਹੈ। ਡੱਗ ਡੌਨਲਡਸਨ ਦਾ ਕਹਿਣਾ ਹੈ ਕਿ ਜੰਗਲੀ ਅੱਗ ਨਾਲ ਨਜਿੱਠਣ ਲਈ ਸੂਬਾ ਸਹੀ ਰਸਤੇ ’ਤੇ ਹੈ ਪਰ ਚੁਣੌਤੀ ਦਾ ਪੈਮਾਨਾ ਇੰਨਾ ਵੱਡਾ ਹੈ ਕਿ ਇਹ ਪਿੱਛੇ ਰਹਿ ਰਿਹਾ ਹੈ ਅਤੇ ਇਸ ਨੂੰ ਇਕ ਸਮੁੱਚੇ ਸਮਾਜ ਦੀ ਪਹੁੰਚ ਨੂੰ ਤਰਜੀਹ ਦੇਣ ਦੀ ਜ਼ਰੂਰਤ ਹੈ।
ਡੱਗ ਡੌਨਲਡਸਨ ਦਾ ਕਹਿਣਾ ਹੈ ਕਿ ਇਸ ਦੀ ਸ਼ੁਰੂਆਤ ਲਈ ਇੱਕ ਸਮਰਪਿਤ ਸੂਬਾਈ ਜੰਗਲੀ ਅੱਗ ਰਣਨੀਤੀ ਹੋਣੀ ਚਾਹੀਦੀ ਹੈ ਜੋ ਸਥਾਨਕ ਭਾਈਚਾਰਿਆਂ, ਸਿਵਲ ਸੁਸਾਇਟੀ ਅਤੇ ਜੰਗਲਾਤ ਉਦਯੋਗ ਦੀ ਮਦਦ ਨਾਲ ਹਰੇਕ ਸਰਕਾਰੀ ਮੰਤਰਾਲੇ ਲਈ ਜ਼ਿੰਮੇਵਾਰੀਆਂ ਨਿਰਧਾਰਿਤ ਕਰ ਸਕੇ। ਸਟਿਕਿਨ ਲਈ ਵਿਧਾਨ ਸਭਾ ਦੇ ਸਾਬਕਾ ਮੈਂਬਰ ਰਹੇ ਡੌਨਲਡਸਨ ਨੇ 2017 ਤੋਂ 2020 ਤਕ ਜੰਗਲਾਤ ਮੰਤਰੀ ਵਜੋਂ ਸੇਵਾ ਨਿਭਾਈ ਸੀ।
ਡੌਨਲਡਸਨ ਦਾ ਕਹਿਣਾ ਹੈ ਕਿ ਬੀ.ਸੀ. ਵਾਈਲਫਾਇਰ ਸਰਵਿਸ ਕੋਲ ਇਕ ਰਣਨੀਤੀ ਤਾਂ ਹੈ ਪਰ ਇਹ ਲਗਭਗ ਇੱਕ ਦਹਾਕਾ ਪੁਰਾਣੀ ਹੈ ਅਤੇ ਇਸ ਨੂੰ ਅਪਡੇਟ ਕਰਨ ਦੀ ਲੋੜ ਹੈ। ਡੋਨਾਲਡਸਨ ਵਿਕਟੋਰੀਆ ਯੂਨੀਵਰਸਿਟੀ ਦੇ ਜੰਗਲੀ ਅੱਗ-ਕੇਂਦਰਿਤ ਖੋਜ ਸਮੂਹ ਵਲੋਂ ਮੰਗਲਵਾਰ ਨੂੰ ਜਾਰੀ ਇਕ ਨਵੀਂ ਰਿਪੋਰਟ ਦੇ ਸਹਿ-ਲੇਖਕ ਵੀ ਹਨ।
ਜ਼ਿਕਰਯੋਗ ਹੈ ਕਿ ਇਹ ਰਿਪੋਰਟ ਅਜਿਹੇ ਸਮੇਂ ਆਈ ਹੈ ਜਦੋਂ ਅਧਿਕਾਰੀ ਉੱਤਰ-ਪੂਰਬੀ ਬੀ.ਸੀ. ਵਿਚ ਹਾਲਾਤਾਂ ’ਤੇ ਨੇੜਿਓਂ ਨਜ਼ਰ ਰੱਖ ਰਹੇ ਹਨ, ਜਿੱਥੇ ਜੰਗਲੀ ਅੱਗ ਨੇ ਹਜ਼ਾਰਾਂ ਲੋਕਾਂ ਨੂੰ ਆਪਣੇ ਘਰਾਂ ਤੋਂ ਬਾਹਰ ਜਾਣ ਲਈ ਮਜਬੂਰ ਕਰ ਦਿੱਤਾ ਹੈ।
