13.39C Vancouver 13.39C VancouverJun 23, 2021 1:06 AM -
ਬੀ.ਸੀ. 'ਚ ਨਸਲਵਾਦ ਦੀ ਸਮੱਸਿਆ ਨਾਲ ਨਜਿੱਠਣ ਲਈ ਜ਼ਿੰਮੇਵਾਰ ਇੱਕ ਅਧਿਕਾਰੀ ਨੇ ਉਨ੍ਹਾਂ ਧਮਕੀਆਂ ਦੀ ਨਿੰਦਿਆ ਕੀਤੀ ਹੈ ਜਿੰਨਾ ਕਾਰਨ ਵੈਨਕੂਵਰ ਆਈਲੈਂਡ 'ਤੇ ਇੱਕ ਐਂਟੀ-ਰੇਸਿਸਮ ਰੈਲੀ ਨੂੰ ਪੋਸਟਪੋਨ ਕਰਨਾ ਪਿਆ।
ਐਂਟੀ ਰੇਸਿਸਮ ਇਨੀਸ਼ੀਏਟਿਵਸ ਸੰਬੰਧੀ ਪਾਰਲੀਅਮੈਂਟਰੀ ਸੈਕਰੇਟਰੀ, ਰਚਨਾ ਸਿੰਘ ਦਾ ਕਹਿਣਾ ਹੈ ਕਿ ਸੂਬੇ ਦੇ ਐਂਟੀ ਰੇਸਿਸਮ ਨੈਟਵਰਕ ਦੇ ਇੱਕ ਪਾਰਟਨਰ ਵੱਲੋਂ ਰੱਖੀ ਗਈ ਕਾਰ ਰੈਲੀ ਨੂੰ ਇਸ ਕਾਰਨ ਰੱਦ ਕੀਤਾ ਗਿਆ ਕਿ ਉਨ੍ਹਾਂ ਨੂੰ ਸ਼ਰੀਰਕ ਹਿੰਸਾ ਦੀ ਸ਼ਮਕੀ ਮਿਲੀ ਸੀ।
ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕਾਂ ਨੇ ਧਮਕੀ ਦਿੱਤੀ ਹੈ ਉਨ੍ਹਾਂ ਦੇ ਇਸ ਵਿਵਹਾਰ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
ਉਨ੍ਹਾਂ ਇਹ ਵੀ ਕਿਹਾ ਕਿ ਇਹ ਘਟਨਾ ਸਾਬਿਤ ਕਰਦੀ ਹੈ ਕਿ ਨਸਲਵਾਦ ਅਤੇ ਵੱਖਵਾਦ ਖਿਲਾਫ ਆਵਾਜ਼ ਚੁੱਕਣਾ ਜ਼ਰੂਰੀ ਕਿਉਂ ਹੈ ਅਤੇ ਅਗਲੀ ਵਾਰ ਰੈਲੀ 'ਚ ਹਿੱਸਾ ਲੈਣ ਉਹ ਖੁਦ ਪਹੁੰਚਣਗੀ।
ਨਨਾਈਮੋ ਅਤੇ ਲੇਡੀਸਮਿਥ 'ਚ ਸਰਕਾਰ ਦੀ ਐਂਟੀ-ਰੇਸਿਸਮ ਪਾਰਟਨਰ 'ਲਿਮਿਨਲ ਸਪੇਸਿਸ ਕਨਸਲਟਿੰਗ' ਹੈ ਜਿੰਨਾ ਨੇ ਐਤਵਾਰ ਨੂੰ ਫੇਸਬੁੱਕ 'ਤੇ ਦੱਸਿਆ ਸੀ ਕਿ ਉਹ ਅੱਗੇ ਅਜਿਹੀ ਰੈਲੀ ਨੂੰ ਕਾਮਯਾਬੀ ਨਾਲ ਕਰਵਾਉਣ ਦੀ ਆਸ ਕਰਦੇ ਹਨ ਜਦ ਸੁਰੱਖਿਆ ਦੇ ਚੰਗੇ ਪ੍ਰਬੰਧ ਹੋਣਗੇ।
