14.29C Vancouver 14.29C VancouverMar 8, 2022 11:01 PM - The Canadian Press
ਬੀ.ਸੀ. ਵੱਲੋਂ ਕੋਵਿਡ-19 ਵੈਕਸੀਨੇਸ਼ਨ ਦੀ ਡੈਡਲਾਈਨ ਸੰਬੰਧੀ ਕਿਸੇ ਵੀ ਮੈਨਸ਼ਨ ਨੂੰ ਹਟਾ ਦਿੱਤਾ ਗਿਆ ਹੈ।
ਅਜਿਹਾ ਉਸ ਔਰਡਰ ਨਾਲ ਸੰਬੰਧਤ ਹੈ ਜੋ ਕਿ ਹੈਲਥ ਕੇਅਰ ਵਰਕਰਾਂ ਨੂੰ ਉਨ੍ਹਾਂ ਦੇ ਵੈਕਸੀਨੇਸ਼ਨ ਸਟੈਟਸ ਰਿਪੋਰਟ ਕਰਨ ਲਈ ਕਹਿੰਦਾ ਹੈ।
ਇਸ ਸੰਬੰਧੀ ਸੋਮਵਾਰ ਨੂੰ ਦੇਰ ਸ਼ਾਮ ਇੱਕ ਬਿਆਨ ਜਾਰੀ ਕੀਤਾ ਗਿਆ ਹੈ।
ਸਿਹਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਪ੍ਰੋਵਿੰਸ਼ੀਅਲ ਹੈਲਥ ਆਫਿਸਰ ਦੇ ਦਫ਼ਤਰ ਨੇ ਉਸ ਨਿਰਦੇਸ਼ ਨੂੰ ਫਾਈਨਲ ਕਰ ਲਿਆ ਹੈ, ਜਿਸ ਤਹਿਤ ਹੈਲਥ ਕੇਅਰ ਪ੍ਰੋਫੈਸ਼ਨਲਸ ਦੀਆਂ 18 ਸ਼੍ਰੇਣੀਆਂ ਨੂੰ ਔਰਡਰ ਜਾਰੀ ਹੁੰਦੇ ਹਨ।
ਇਸ 'ਚ ਡਾਕਟਰਾਂ ਤੋਂ ਲੈਕੇ ਨਰਸਾਂ, ਮਸਾਜ ਥੈਰੇਪਿਸਟ, ਫਾਰਮਾਸਿਸਟਸ, ਡੈਂਟਿਸਟ, ਨਿਊਰੋਪੈਥਸ ਅਤੇ ਹੋਰ ਪ੍ਰੋਫੈਸ਼ਨਲ ਸ਼ਾਮਿਲ ਹਨ। ਨਵੇਂ ਔਰਡਰ 'ਚ ਆਖਿਆ ਗਿਆ ਹੈ ਕਿ 18 ਪ੍ਰੋਫੈਨਸ਼ਲ ਹੈਲਥ ਕਾਲੀਜਿਸ ਨੂੰ ਬੀਤੇ ਹਫ਼ਤੇ ਆਖਿਆ ਗਿਆ ਹੈ ਕਿ ਉਨ੍ਹਾਂ ਲਈ ਜਰੂਰੀ ਹੈ ਕਿ ਮੰਤਰਾਲੇ ਨਾਲ ਆਪਣੇ ਰਿਜਿਸਟਰੈਂਟਸ ਦੀ ਨਿਜੀ ਇਨਫਰਮੇਸ਼ਨ ਸਾਂਝੀ ਕੀਤੀ ਜਾਵੇ।
ਜੇਕਰ ਕਿਸੇ ਮੈਂਬਰ ਦੀ ਵੈਕਸੀਨੇਸ਼ਨ ਜਾਣਕਾਰੀ ਨਾ ਦਿੱਤੀ ਗਈ ਹੋਵੇ ਤਾਂ ਇਸ ਨੂੰ 31 ਮਾਰਚ ਤਕ ਸਾਂਝਾ ਕਰਨ ਦੀ ਮੰਗ ਕੀਤੀ ਗਈ ਸੀ।
ਇਸ ਤੋਂ ਬਾਅਦ ਜੇਕਰ ਮੰਤਰਾਲਾ ਕਹਿੰਦਾ ਹੈ ਤਾਂ ਕਾਲਿਜ ਨੂੰ ਮੈਂਬਰ ਦਾ ਵੈਕਸੀਨੇਸ਼ਨ ਸਟੈਟਸ ਦੱਸਣਾ ਹੋਵੇਗਾ।
ਇਹ ਨਵਾਂ ਔਰਡਰ ਬੀਤੇ ਮਹੀਨੇ ਦੇ ਔਰਡਰ ਤੋਂ ਵੱਖਰਾ ਹੈ, ਜਿਸ ਦੌਰਾਨ ਡਾ. ਬੌਨੀ ਹੈਨਰੀ ਨੇ ਆਖਿਆ ਸੀ ਕਿ ਜੇਕਰ 24 ਮਾਰਚ ਤਕ ਕੋਈ ਰੈਗੂਲੇਟਿਡ ਹੈਲਥ ਕੇਅਰ ਪ੍ਰੋਫੈਸ਼ਨਲਸ ਵੈਕਸੀਨ ਦੀ ਇੱਕ ਖੁਰਾਕ ਹਾਸਿਲ ਕਰ ਚੁੱਕੇ ਹੋਣ ਤਾਂ ਉਨ੍ਹਾਂ ਲਈ ਅਗਲੇ 35 ਦਿਨ 'ਚ ਦੂਜੀ ਖੁਰਾਕ ਹਾਸਿਲ ਕਰਨਾ ਜਰੂਰੀ ਹੋਵੇਗਾ ਅਤੇ ਇਸ ਨੂੰ ਕੰਮ ਜਾਰੀ ਰੱਖਣ ਦੀ ਸ਼ਰਤ ਬਣਾਇਆ ਗਿਆ ਸੀ।
ਮੰਤਰਾਲੇ ਦੀ ਤਾਜਾ ਸਟੇਟਮੈਂਟ 'ਚ ਉਨ੍ਹਾਂ ਵਰਕਰਾਂ ਲਈ ਕਿਸੇ ਸਿੱਟਿਆਂ ਦੀ ਗੱਲ ਨਹੀਂ ਆਖੀ ਗਈ ਹੈ ਜੋ ਮਹੀਨੇ ਦੇ ਅੰਤ ਤਕ ਆਪਣਾ ਵੈਕਸੀਨੇਸ਼ਨ ਸਟੈਟਸ ਸਾਂਝਾ ਨਹੀਂ ਕਰਦੇ ਹਨ।
