16.5C Vancouver 16.5C VancouverJul 5, 2022 10:11 PM - The Canadian Press
ਬੀ.ਸੀ. ਦੇ ਵੈਨਕੂਵਰ ਆਈਲੈਂਡ ਸਥਿਤ ਸਾਨੀਚ ਵਿੱਚ ਬੈਂਕ ਡਕੈਤੀ ਦੌਰਾਨ ਵਾਪਰੀ ਭਿਆਨਕ ਸ਼ੂਟਿੰਗ ਸੰਬੰਧੀ ਅੱਜ ਪੁਲਿਸ ਅਧਿਕਾਰੀਆਂ ਨੇ ਹੋਰ ਜਾਣਕਾਰੀ ਸਾਂਝੀ ਕੀਤੀ ਹੈ।
ਹਾਲਾਂਕਿ ਅੱਜ ਸਵੇਰ 11 ਵਜੇ ਹੋਈ ਪ੍ਰੈਸ ਕਾਨਫਰੰਸ ਦੌਰਾਨ ਉਮੀਦ ਕੀਤੀ ਜਾ ਰਹੀ ਸੀ ਕਿ ਘਟਨਾ 'ਚ ਜਖਮੀ ਹੋਏ 6 ਪੁਲਿਸ ਅਫਸਰਾਂ ਦੀ ਪਛਾਣ ਅੱਜ ਸਾਂਝੀ ਕੀਤੀ ਜਾਵੇਗੀ, ਪਰ ਚੀਫ਼ ਕਾਂਸਟੇਬਲ ਡੀਨ ਡੁਥੀ ਨੇ ਕਿਹਾ ਕਿ ਹਾਲ ਦੀ ਘੜੀ ਜਖਮੀ ਹੋਏ ਅਫਸਰਾਂ ਦੀ ਪਛਾਣ ਸਾਂਝੀ ਨਹੀਂ ਕੀਤੀ ਜਾ ਰਹੀ।
ਉਨ੍ਹਾਂ ਦੱਸਿਆ ਕਿ ਗੰਭੀਰ ਜਖਮੀ ਹੋਏ 3 ਅਫਸਰਾਂ ਵਿੱਚੋਂ 2 ਅਫ਼ਸਰ ਹੁਣ ਵੀ ਹਸਪਤਾਲ 'ਚ ਦਾਖਿਲ ਹਨ ਅਤੇ ਇੱਕ ਅਫ਼ਸਰ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਗਈ ਹੈ।
ਉਨ੍ਹਾਂ ਪੁਲਿਸ ਅਫਸਰਾਂ ਦੀ ਪਛਾਣ ਸਾਂਝੀ ਨਾ ਕਰਦੇ ਹੋਏ ਉਨ੍ਹਾਂ ਵੱਲੋਂ ਨਿਭਾਈਆਂ ਗਈਆਂ ਸੇਵਾਵਾਂ ਦੇ ਕੁਝ ਵੇਰਵੇ ਸਾਂਝੇ ਕੀਤੇ ਹਨ।
ਉਨ੍ਹਾਂ ਦੱਸਿਆ ਕਿ ਹਸਪਤਾਲ ਤੋਂ ਡਿਸਚਾਰਜ ਹੋ ਚੁੱਕੇ ਇੱਕ ਅਫ਼ਸਰ ਦਾ 7 ਸਾਲ ਦਾ ਪੁਲਿਸ ਕਰੀਅਰ ਹੈ।
ਦੂਜੇ ਜਖਮੀ ਪੁਲਿਸ ਅਫ਼ਸਰ ਬਾਰੇ ਦੱਸਿਆ ਗਿਆ ਕਿ ਉਨ੍ਹਾਂ ਨੂੰ ਪੁਲਿਸ ਸੇਵਾ ਨਿਭਾਉਂਦੇ ਹੋਏ 8 ਸਾਲ ਹੋ ਚੁੱਕੇ ਹਨ।
ਇਸ ਦੇ ਨਾਲ ਹੀ 2 ਸਰਜਰੀਆਂ ਵਿੱਚੋਂ ਲੰਘ ਚੁੱਕੇ ਤੀਜੇ ਅਫ਼ਸਰ ਬਾਰੇ ਦੱਸਿਆ ਗਿਆ ਕਿ ਉਹ ਵੀ 8 ਸਾਲਾਂ ਤੋਂ ਪੁਲਿਸ ਅਫ਼ਸਰ ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ।
ਯਾਦ ਰਹੇ ਇਸ ਘਟਨਾ 'ਚ 2 ਜੁੜਵਾ ਭਰਾਵਾਂ ਦੀ ਪੁਲਿਸ ਕਾਰਵਾਈ 'ਚ ਮੌਤ ਹੋ ਗਈ ਸੀ।
