13.75C Vancouver 13.75C VancouverJan 21, 2021 10:31 PM -
ਬੀ.ਸੀ. 'ਚ ਕੋਵਿਡ-19 ਇਮਿਊਨਾਈਜ਼ੇਸ਼ਨ ਸਟ੍ਰੇਟਜੀ ਦੇ ਦੂਜੇ ਫੇਜ਼ ਦੀ ਜਾਣਕਾਰੀ ਕੱਲ ਜਾਰੀ ਕੀਤੀ ਜਾਵੇਗੀ।
ਪ੍ਰੀਮਿਅਰ ਜੌਨ ਹੌਰਗਨ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਇਸ ਦਾ ਐਲਾਨ ਕੀਤਾ ਜਾਵੇਗਾ।
ਇਸ ਮੌਕੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਵੀ ਮੌਜੂਦ ਹੋਣਗੇ।
ਸੂਬੇ 'ਚ ਇਮਿਊਨਾਈਜ਼ੇਸ਼ਨ ਪ੍ਰੀਕਿਰਿਆ ਦੇ ਮੁਖੀ, ਡਾ. ਪੈਨੀ ਬੈਲਮ ਦੇ ਵੀ ਮੌਜੂਦ ਰਹਿਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਬੈਲਜੀਅਮ 'ਚ ਕੁਝ ਵਿਸਤਾਰ ਦੇ ਚਲਦਿਆਂ ਕੈਨੇਡਾ ਨੂੰ ਕੋਵਿਡ-19 ਸੰਬੰਧੀ ਫਾਈਜ਼ਰ ਦੀਆਂ ਵੈਕਸੀਨ ਮਿਲਣ ਦੀ ਪ੍ਰੀਕਿਰਿਆ 'ਚ ਕੁਝ ਵਿਘਨ ਪਿਆ ਹੈ।
ਇਸ ਨਾਲ ਬੀ.ਸੀ. 'ਚ ਅਗਲੇ ਹਫ਼ਤੇ ਪਹੁੰਚਣ ਵਾਲੀਆਂ ਕਰੀਬ 31,000 ਡੋਜ਼ 'ਚ ਵਿਘਨ ਪਿਆ ਹੈ।
ਇਸ ਦੇ ਬਾਵਜੂਦ ਐਡਰੀਅਨ ਡਿਕਸ ਦਾ ਕਹਿਣਾ ਹੈ ਕਿ ਸੂਬੇ 'ਚ ਵੈਕਸੀਨ ਹਾਸਿਲ ਕਰ ਚੁੱਕੇ 1,00,000 ਦੇ ਕਰੀਬ ਲੋਕਾਂ ਨੂੰ ਇਮਿਊਨਿਟੀ ਸਥਾਪਿਤ ਕਰਨ ਲਈ ਲੋੜੀਂਦੀ ਦੂਜੀ ਡੋਜ਼ ਸਮੇਂ ਸਿਰ ਹਾਸਿਲ ਕਰਵਾਈ ਜਾਵੇਗੀ।
ਅੱਜ ਜਾਣਕਾਰੀ ਦਿੱਤੀ ਗਈ ਕਿ ਅੱਜ ਦੀ ਡਾ. ਬੌਨੀ ਹੈਨਰੀ ਅਤੇ ਐਡਰੀਅਨ ਡਿਕਸ ਦੀ ਪ੍ਰੈਸ ਕਾਨਫਰੰਸ ਨੂੰ ਰੱਦ ਕਰ ਦਿੱਤਾ ਗਿਆ ਹੈ।
