19.99C Vancouver 19.99C VancouverJul 3, 2024 6:36 PM - The Canadian Press
ਇਨਵਰਮੇਰ ਬੀ.ਸੀ. ਨੇੜੇ ਕੱਲ੍ਹ ਸ਼ਾਮ ਇਕ ਹੈਲੀਕਾਪਟਰ ਦੇ ਹਾਦਸਾਗ੍ਰਸਤ ਹੋਣ ਦੀ ਖਬਰ ਹੈ ਜਿਸ ਵਿਚ ਪਾਇਲਟ ਦੀ ਜਾਨ ਚਲੀ ਗਈ ਅਤੇ 2 ਹੋਰ ਯਾਤਰੀ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਏ।
ਕੋਲੰਬੀਆ ਵੈਲੀ ਆਰ.ਸੀ.ਐਮ.ਪੀ. ਨੇ ਇਕ ਪ੍ਰੈਸ ਬਿਆਨ ਵਿਚ ਦੱਸਿਆ ਕਿ ਇਕ ਨਿੱਜੀ ਮਾਲਕੀ ਵਾਲਾ ਹੈਲੀਕਾਪਟਰ ਮੰਗਲਵਾਰ, 2 ਜੁਲਾਈ ਨੂੰ ਸ਼ਾਮ 7 ਵਜੇ ਬਰੂਅਰ ਕ੍ਰੀਕ ਨੇੜੇ ਇਨਵਰਮੇਰ ਦੇ ਦੱਖਣ ਵਿੱਚ ਹਾਦਸਾਗ੍ਰਸਤ ਹੋ ਗਿਆ।
ਪੁਲਿਸ ਅਨੁਸਾਰ ਖੋਜ ਅਤੇ ਬਚਾਅ ਅਮਲੇ ਨੂੰ ਨੂੰ ਤੁਰੰਤ ਹਾਸਦੇ ਵਾਲੀ ਜਗ੍ਹਾ ਭੇਜਿਆ ਗਿਆ ਜਿਥੇ ਉਨ੍ਹਾਂ ਨੂੰ ਪਾਇਲਟ ਦੀ ਲਾਸ਼ ਮਿਲ ਗਈ। ਪੁਲਿਸ ਅਨੁਸਾਰ ਇਸ ਹੈਲੀਕਾਪਟਰ ਵਿਚ 2 ਹੋਰ ਯਾਤਰੀ ਵੀ ਸਵਾਰ ਸਨ ਜਿਨ੍ਹਾਂ ਨੂੰ ਗੰਭੀਰ ਪਰ ਗੈਰ-ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਭੇਜ ਦਿੱਤਾ ਗਿਆ।
ਪੁਲਿਸ ਵਲੋਂ ਮ੍ਰਿਤਕ ਬਾਰੇ ਜਾਂ ਹਾਦਸੇ ਬਾਰੇ ਹੋਰ ਕੋਈ ਜਾਣਕਾਰੀ ਅਜੇ ਸ਼ੇਅਰ ਨਹੀਂ ਕੀਤੀ ਗਈ ਹੈ। ਆਰ.ਸੀ.ਐਮ.ਪੀ. ਦਾ ਕਹਿਣਾ ਹੈ ਕਿ ਉਨ੍ਹਾਂ ਵਲੋਂ ਬੀਸੀ ਕੋਰੋਨਰ ਸਰਵਿਸ ਅਤੇ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨਾਲ ਮਿਲ ਕੇ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
