16.01C Vancouver 16.01C VancouverMar 24, 2022 8:36 PM - The Canadian Press
ਇਸ ਸਾਲ ਦੇ ਅੰਤ ਤਕ ਕੋਕਿਹਾਲਾ ਹਾਈਵੇਅ 'ਤੇ ਸਥਿਤ 3 ਪੁਲਾਂ 'ਤੇ ਮਰੱਮਤ ਦਾ ਕੰਮ ਪੂਰਾ ਹੋਣ ਦੀ ਆਸ ਜਾਹਿਰ ਕੀਤੀ ਗਈ ਹੈ।
ਕੋਕਿਹਾਲਾ ਹਾਈਵੇਅ 'ਤੇ ਸਥਿਤ 7 ਪੁਲ ਬੀਤੇ ਸਾਲ ਦੇ ਹੜ੍ਹਾਂ ਅਤੇ ਵਾਸ਼ਆਊਟਸ ਦੌਰਾਨ ਨੁਕਸਾਨੇ ਗਏ ਸਨ।
ਹਾਈਵੇਸ ਮੰਤਰਾਲੇ ਦਾ ਕਹਿਣਾ ਸੀ ਕਿ ਕੰਟ੍ਰੈਕਟਰਸ ਦੀ ਚੋਣ ਦਾ ਕੰਮ ਆਰੰਭ ਦਿੱਤਾ ਗਿਆ ਹੈ।
ਇਸ ਨਾਲ ਕੋਕਿਹਾਲਾ ਸੰਮਿਟ ਅਤੇ ਮੈਰਿਟ ਵਿਚਾਲੇ 3 ਸਾਈਟਸ 'ਤੇ ਮਰੱਮਤ ਦਾ ਕੰਮ ਸ਼ੁਰੂ ਕੀਤਾ ਜਾਵੇਗਾ।
ਇਸ ਤਹਿਤ ਗਰਮੀ 'ਚ ਕੰਮ ਸ਼ੁਰੂ ਹੋਵੇਗਾ ਅਤੇ ਇਸ ਦੇ ਸਾਲ ਦੇ ਅੰਤ ਤਕ ਪੂਰਾ ਹੋਣ ਦੀ ਆਸ ਰਹੇਗੀ।
ਕੰਟ੍ਰੈਕਟਰਸ ਦੇ ਲਈ ਇੱਕ ਟੈਂਡਰ ਪੈਕੇਜ ਵੀ ਤਿਆਰ ਕੀਤਾ ਜਾ ਰਿਹਾ ਹੈ ਜਿਸ ਤਹਿਤ ਹੋਪ ਦੇ ਪੂਰਬੀ ਇਲਾਕੇ 'ਚ ਸਥਿਤ ਹਾਈਵੇਅ 5 ਦੇ ਓਥੈਲੋ ਸੈਕਸ਼ਨ 'ਤੇ ਪਰਮਾਨੈਂਟ ਮਰੱਮਤ ਹੈਂਡਲ ਕੀਤੀ ਜਾਵੇਗੀ।
ਮੰਤਰਾਲੇ ਦਾ ਕਹਿਣਾ ਹੈ ਕਿ ਹਾਈਵੇਅ 1 'ਤੇ ਫਰੇਜ਼ਰ ਕੈਨੇਅਨ ਅਤੇ ਹਾਈਵੇਅ 8 ਦੇ ਇਲਾਕੇ 'ਚ ਨਿਕੋਲਾ ਵੈਲੀ 'ਚ ਹੋਣ ਵਾਲੀ ਮਰੱਮਤ ਸੰਬੰਧੀ ਆਉਂਦੇ ਹਫਤਿਆਂ 'ਚ ਜਾਣਕਾਰੀ ਸਾਂਝੀ ਕੀਤੀ ਜਾਵੇਗੀ।
