13.36C Vancouver 13.36C VancouverMay 25, 2021 3:27 PM -
ਸਿਹਤ ਅਧਿਕਾਰੀ ਬ੍ਰਿਟਿਸ਼ ਕੋਲੰਬੀਆ ਦੇ ਵਸਨੀਕਾਂ ਨੂੰ ਮੰਗਲਵਾਰ ਨੂੰ ਨਿਯਮਾਂ ਵਿੱਚ ਢਿੱਲ ਦੇਣ ਦੀ ਘੋਸ਼ਣਾ ਤੋਂ ਪਹਿਲਾਂ ਕੋਵਿਡ-19 ਸਿਹਤ ਪਾਬੰਦੀਆਂ ਦੀ ਪਾਲਣਾ ਕਰਨ ਦੀ ਤਾਕੀਦ ਕਰ ਰਹੇ ਹਨ।
ਲੰਘੇ ਵੀਕਐਂਡ ਦੌਰਾਨ ਸੂਬੇ ਵਿੱਚ ਕੋਵਿਡ-19 ਦੇ 974 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਅਤੇ ਹਸਪਤਾਲਾਂ ਵਿੱਚ ਦਾਖ਼ਲ ਮਰੀਜ਼ਾਂ ਦੀ ਗਿਣਤੀ ਵਿੱਚ ਵੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ।
ਜ਼ਿਆਦਾਤਰ ਕੇਸ ਡੂੰਘੀ ਤਰ੍ਹਾਂ ਪ੍ਰਭਾਵਤ ਹੋਏ ਫਰੇਜ਼ਰ ਹੈਲਥ ਇਲਾਕੇ ਵਿੱਚ ਦੇਖਣ ਨੂੰ ਮਿਲੇ ਸਨ, ਜਿਥੇ ਕਿ ਨਵੇਂ ਮਾਮਲਿਆਂ ਦਾ ਦੋ-ਤਿਹਾਈ ਹਿੱਸਾ ਮੌਜੂਦ ਹੈ।
ਬੀ.ਸੀ. ਵਿੱਚ ਸਰਕਟ ਬ੍ਰੇਕਰ ਦੀ ਮਿਆਦ ਮਈ ਲੌਂਗ ਵੀਕੈਂਡ ’ਤੇ ਖ਼ਤਮ ਹੋ ਜਾਣ ਤੋਂ ਬਾਅਦ ਮੰਗਲਵਾਰ ਨੂੰ ਸੂਬੇ ਦੇ ਰੈਸਟੋਰੈਂਟਾਂ ਵਿੱਚ ਇੱਕ ਵਾਰ ਫੇਰ ਵਧੇਰੇ ਸੇਵਾਵਾਂ ਅਤੇ ਆਰਥਿਕਤਾ ਨੂੰ ਮੁੜ ਬਹਾਲ ਕਰਨ ਬਾਰੇ ਸੂਬਾ ਸਰਕਾਰ ਵੱਲੋਂ ਐਲਾਨ ਕੀਤਾ ਜਾਵੇਗਾ।
ਪ੍ਰੀਮੀਅਰ ਜੌਹਨ ਹੌਰਗਨ, ਜੌਬਜ਼ ਮਨਿਸਟਰ ਰਵੀ ਕਾਹਲੋਂ, ਹੈਲਥ ਮਨਿਸਟਰ ਐਡਰੀਅਨ ਡਿਕਸ ਅਤੇ ਸੂਬਾਈ ਸਿਹਤ ਅਫਸਰ ਡਾਕਟਰ ਬੌਨੀ ਹੈਨਰੀ ਮੰਗਲਵਾਰ ਦੁਪਹਿਰ ਇੱਕ ਸੰਬੋਧਨ ਵਿਚ ਸ਼ਮੂਲੀਅਤ ਕਰਨਗੇ।
ਬੀ.ਸੀ. ਵਿੱਚ 2.88 ਮਿਲੀਅਨ ਤੋਂ ਵੱਧ ਲੋਕ ਕੋਵਿਡ-19 ਤੋਂ ਬਚਾਅ ਦੀ ਵੈਕਸੀਨ ਹਾਸਿਲ ਕਰ ਚੁੱਕੇ ਹਨ, ਜਿਨ੍ਹਾਂ ਵਿੱਚ 147,144 ਦੂਜੀਆਂ ਖੁਰਾਕਾਂ ਸਨ।
ਪੁਲਿਸ ਅਨੁਸਾਰ ਗੈਰ ਜ਼ਰੂਰੀ ਯਾਤਰਾ ’ਤੇ ਲੱਗੀਆਂ ਪਾਬੰਦੀਆਂ ਅਧੀਨ 103 ਗੱਡੀਆਂ ਨੂੰ ਚੈੱਕਪੁਆਇੰਟਸ ’ਤੇ ਰੋਕਿਆ ਗਿਆ।
ਦੋ ਡਰਾਈਵਰਾਂ ਨੂੰ ਪੁਲਿਸ ਦੀਆਂ ਹਦਾਇਤਾਂ ਦੀ ਉਲੰਘਣਾ ਕਰਨ ਲਈ $230 ਦਾ ਜੁਰਮਾਨਾ ਭਰਨਾ ਪਵੇਗਾ।
