16.49C Vancouver 16.49C VancouverSep 20, 2022 10:01 PM - The Canadian Press
ਬੀ.ਸੀ. 'ਚ ਏਵੀਅਨ ਫਲੂ ਦਾ ਇੱਕ ਹੋਰ ਮਾਮਲਾ ਰਿਪੋਰਟ ਹੋਇਆ ਹੈ।
ਕਰੀਬ ਇੱਕ ਹਫ਼ਤੇ ਤੋਂ ਵੀ ਘਟ ਸਮੇਂ 'ਚ ਇਹ ਸੂਬੇ 'ਚ ਰਿਪੋਰਟ ਹੋਇਆ ਏਵੀਅਨ ਫਲੂ ਸੰਬੰਧੀ ਤੀਜਾ ਮਾਮਲਾ ਹੈ।
ਜੂਨ ਤੋਂ ਬਾਅਦ ਸੂਬੇ 'ਚ ਇਸ ਫਲੂ ਸੰਬੰਧੀ ਕੋਈ ਮਾਮਲਾ ਰਿਪੋਰਟ ਨਹੀਂ ਹੋਇਆ ਸੀ।
ਕਨੇਡੀਅਨ ਫੂਡ ਇੰਸਪੈਕਸ਼ਨ ਏਜੈਂਸੀ ਦਾ ਕਹਿਣਾ ਹੈ ਕਿ 18 ਸਿਤੰਬਰ ਦੀ ਆਊਟਬ੍ਰੇਕ 'ਚ ਸਪੈਲਮਚੀਨ ਦਾ ਇੱਕ ਛੋਟਾ ਫਲੌਕ ਸ਼ਾਮਿਲ ਹੈ।
ਇਸ ਤੋਂ ਪਹਿਲਾਂ 15 ਸਿਤੰਬਰ ਨੂੰ ਰਿਪੋਰਟ ਹੋਏ ਮਾਮਲੇ 'ਚ ਕੈਰੀਬੂ ਦਾ ਇੱਕ ਫਲੌਕ ਸ਼ਾਮਿਲ ਦੱਸਿਆ ਗਿਆ ਸੀ ਅਤੇ ਉਸ ਤੋਂ ਪਹਿਲਾਂ 12 ਸਿਤੰਬਰ ਨੂੰ ਰਿਪੋਰਟ ਹੋਏ ਮਾਮਲੇ 'ਚ ਚਿਲਿਵੈਕ ਦਾ ਇੱਕ ਕਮਰਸ਼ਲ ਫਲੌਕ ਸ਼ਾਮਿਲ ਦੱਸਿਆ ਗਿਆ ਸੀ।
ਏਜੈਂਸੀ ਦਾ ਕਹਿਣਾ ਹੈ ਕਿ ਬਿਮਾਰੀ ਨੂੰ ਫੈਲਣ ਤੋਂ ਰੋਕਣ ਲਈ ਕੋਸ਼ਿਸ਼ਾਂ ਜਾਰੀ ਹਨ ਅਤੇ ਕਿਸਾਨਾਂ ਨੂੰ ਮੰਗ ਕੀਤੀ ਗਈ ਹੈ ਕਿ ਆਪਣੇ ਫਲੌਕਸ ਨੂੰ ਜੰਗਲੀ ਪੰਛੀਆਂ ਦੇ ਸੰਪਰਕ 'ਚ ਆਉਣ ਤੋਂ ਬਚਾਅ ਕੀਤਾ ਜਾਵੇ।
ਐਲਬਰਟਾ, ਸਸਕੈਚਵਿਨ, ਮੈਨੀਟੋਬਾ ਅਤੇ ਔਂਟੈਰੀਓ 'ਚ ਵੀ ਏਵੀਅਨ ਫਲੂ ਦੇ ਮਾਮਲਿਆਂ 'ਚ ਵਾਧਾ ਵੇਖਣ ਨੂੰ ਮਿਲਿਆ ਹੈ।
