16.27C Vancouver 16.27C VancouverSep 21, 2022 9:51 PM - Connect News
ਅੱਜ ਵੈਨਕੂਵਰ 'ਚ ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਅਤੇ ਸੌਲੀਸਿਟਰ ਜਨਰਲ, ਮਾਈਕ ਫਾਰਨਵਰਥ ਨੇ ਸੂਬੇ ਦੀਆਂ ਕਮਿਊਨਿਟੀਸ ਨੂੰ ਵਧੇਰੇ ਸੁਰੱਖਿਅਤ ਰੱਖਣ ਦੇ ਮਾਮਲੇ 'ਚ ਅਪਡੇਟ ਸਾਂਝੀ ਕੀਤੀ ਹੈ।
ਦੁਪਹਿਰ ਕਰੀਬ 1.30 ਵਜੇ ਕੀਤੇ ਗਏ ਐਲਾਨ ਦੌਰਾਨ ਅਟੌਰਨੀ ਜਨਰਲ ਮਰੇ ਰੈਂਕਿਨ, ਕੈਲੋਨਾ ਦੇ ਮੇਅਰ ਕੌਲਿਨ ਬਸਰਾਂ ਅਤੇ ਕੁਝ ਹੋਰ ਸ਼ਖਸੀਅਤਾਂ ਵੀ ਸ਼ਾਮਿਲ ਸਨ।
ਮਰੇ ਰੈਂਕਿਨ ਦਾ ਕਹਿਣਾ ਸੀ ਕਿ ਸੂਬੇ 'ਚ ਕ੍ਰਿਮੀਨਲ ਗਤੀਵਿਧੀਆਂ ਵਧੀਆਂ ਹਨ, ਜਿਸ 'ਚ ਅਣਜਾਣ ਲੋਕਾਂ ਵੱਲੋਂ ਅਚਾਨਕ ਹਮਲੇ ਕਰ ਦੇਣ ਜਿਹੀਆਂ ਘਟਨਾਵਾਂ ਵੀ ਸ਼ਾਮਿਲ ਹਨ।
ਉਨ੍ਹਾਂ ਕਿਹਾ ਕਿ ਇਸੇ ਮਾਮਲੇ 'ਚ ਇੱਕ ਸਟਡੀ ਕੀਤੀ ਗਈ ਅਤੇ ਉਸ ਦੇ ਨਤੀਜਿਆਂ ਅਤੇ 28 ਸਿਫਾਰਸ਼ਾਂ ਨੂੰ ਸਾਂਝਾ ਕੀਤਾ ਜਾ ਰਿਹਾ ਹੈ।
ਮਾਈਕ ਫਾਰਨਵਰਥ ਨੇ ਕਿਹਾ ਕਿ ਸਿਫਾਰਸ਼ਾਂ ਦੇ ਆਧਾਰ 'ਤੇ ਸਰਕਾਰ ਨੇ 3 ਅਹਿਮ ਮਾਮਲਿਆਂ 'ਚ ਤੁਰੰਤ ਅੱਗੇ ਵਧਣ ਦਾ ਫੈਸਲਾ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਪਿਛਲੇ ਸਰਕਾਰ ਨੇ ਪਰੌਲੀਫਿਕ ਔਫੈਂਡਰਸ ਪਾਈਲਟ ਪ੍ਰੋਗਰਾਮ ਨੂੰ ਰੋਕ ਦਿੱਤਾ ਸੀ ਪਰ ਸਟਡੀ ਦੀ ਸਿਫਾਰਸ਼ ਤੋਂ ਬਾਅਦ ਸਾਡੀ ਸਰਕਾਰ ਇਸ ਪਰੌਲੀਫਿਕ ਔਫੈਂਡਰ ਮੈਨੇਜਮੈਂਟ ਪਾਈਲਟਸ ਨੂੰ ਮੁੜ ਲਾਂਚ ਕੀਤਾ ਜਾ ਰਿਹਾ ਹੈ।
ਇਸ ਤੋਂ ਇਲਾਵਾ ਇੱਕ ਡੈਡੀਕੇਟਿਡ ਪ੍ਰੋਵਿੰਸ਼ੀਅਲ ਕਮੇਟੀ ਸਟ੍ਰਕਚਰ ਕੀਤੀ ਜਾ ਰਹੀ ਹੈ ਜੋ ਕਨੂੰਨ ਨਾਲ ਕੰਫਲਿਕਟ 'ਚ ਆਉਣ ਵਾਲੇ ਲੋਕਾਂ ਦੀਆਂ ਮਾਨਸਿਕ ਸਿਹਤ ਲੋੜਾਂ ਅਨੁਸਾਰ ਸਰਵਿਸ ਪਲੈਨਿੰਗ ਨੂੰ ਕੋਔਰਡੀਨੇਟ ਕਰੇਗੀ।
ਇਸ ਦੇ ਨਾਲ ਹੀ ਬੀ.ਸੀ. ਕਾਉਂਸਿਲ ਦਾ ਫਰਸਟ ਨੇਸ਼ਨਸ ਜਸਟਿਸ ਕਾਉਂਸਿਲ ਦਾ ਪ੍ਰਪੋਜ ਕੀਤਾ ਪਾਈਲਟ ਪ੍ਰੋਗਰਾਮ ਵੀ ਲਾਂਚ ਕੀਤਾ ਜਾ ਰਿਹਾ ਹੈ।
ਜਾਂਚ ਤੋਂ ਬਾਅਦ ਜਾਰੀ ਕੀਤੀਆਂ ਸਿਫਾਰਸ਼ਾਂ 'ਚ ਕ੍ਰਿਮੀਨਲ ਜਸਟਿਸ ਸਿਸਟਮ 'ਚ ਮਾਨਸਿਕ ਸਿਹਤ ਅਤੇ ਸਬਸਟੈਂਸ ਦਾ ਇਸਤੇਮਾਲ ਕਰਨ ਦੀਆਂ ਚੁਣੌਤੀਆਂ ਸੰਬੰਧੀ ਲੋਕਾਂ ਦੀ ਦੇਖਭਾਲ ਦੇ ਸਿਸਟਮ 'ਚ ਬਿਹਤਰੀ, ਲੋਕਾਂ ਨੂੰ ਕ੍ਰਿਮੀਨਲ ਜਸਟਿਸ ਸਿਸਟਮ ਤੋਂ ਡਾਈਵਰਟ ਕਰਨ ਲਈ ਵਧੇਰੇ ਮੌਕੇ ਉਪਲਬਧ ਕਰਵਾਉਣਾ, ਇੰਡੀਜਨਸ ਲੋਕਾਂ ਲਈ ਸੇਵਾਵਾਂ 'ਚ ਬਿਹਤਰੀ ਵੀ ਸ਼ਾਮਿਲ ਹੈ।
ਕਮਿਊਨਿਟੀ ਸੇਵਾਵਾਂ, ਲਾਅ ਐਨਫੋਰਸਮੈਂਟ ਅਤੇ ਸਾਰੇ ਪੱਧਰ ਦੀਆਂ ਸਰਕਾਰਾਂ 'ਚ ਬਿਹਤਰ ਤਾਲਮੇਲ ਬਿਠਾਉਣ ਦੀ ਸਿਫਾਰਸ਼ ਵੀ ਕੀਤੀ ਗਈ ਹੈ।
ਇਸ ਦੇ ਨਾਲ ਹੀ ਰਿਪੀਟ ਔਫੈਂਡਿੰਗ ਨਾਲ ਨਜਿੱਠਣ ਅਤੇ ਜਸਟਿਸ ਸਿਸਟਮ 'ਚ ਲੋਕਾਂ ਦਾ ਭਰੋਸਾ ਵਧਾਉਣ ਜਿਹੀਆਂ ਸਿਫਾਰਸ਼ਾਂ ਵੀ ਕੀਤੀਆਂ ਗਈਆਂ ਹਨ।
