28.15C Vancouver 28.15C VancouverAug 7, 2025 7:19 PM - The Canadian Press
ਬੀ. ਸੀ. ਸਰਕਾਰ ਨੇ ਫਿਸਕਲ ਸਾਲ 2024-25 ਵਿਚ ਉਮੀਦ ਤੋਂ ਘੱਟ ਘਾਟਾ ਦਰਜ ਕੀਤਾ ਹੈ। ਸਰਕਾਰ ਨੇ ਅੱਜ ਕਿਹਾ ਕਿ ਸਾਡਾ ਅੰਤਿਮ ਘਾਟਾ $7.3 ਬਿਲੀਅਨ ਦਰਜ ਹੋਇਆ ਹੈ, ਜੋ ਬਜਟ 2024 ਵਿਚ ਲਗਾਏ ਗਏ ਅਨੁਮਾਨ ਨਾਲੋਂ $564 ਮਿਲੀਅਨ ਘੱਟ ਰਿਹਾ। ਵਿੱਤ ਮੰਤਰੀ ਬ੍ਰੇਂਡਾ ਬੇਲੀ ਨੇ ਦੱਸਿਆ ਕਿ ਬ੍ਰਿਟਿਸ਼ ਕੋਲੰਬੀਆ ਦੀ ਬੀਮਾ ਕਾਰਪੋਰੇਸ਼ਨ ਤੋਂ ਪ੍ਰਾਪਤ ਰੈਵੇਨਿਊ ਨਾਲ ਸੂਬੇ ਨੂੰ ਘਾਟਾ ਕੰਟਰੋਲ ਕਰਨ ਵਿਚ ਮਦਦ ਮਿਲੀ।
ਬੇਲੀ ਨੇ ਕਿਹਾ ਕਿ ਸੂਬੇ ਦਾ ਕੁੱਲ ਰੈਵੇਨਿਊ ਬਜਟ ਅਨੁਮਾਨ ਤੋਂ $2.5 ਬਿਲੀਅਨ ਜ਼ਿਆਦਾ ਰਿਹਾ ਅਤੇ ਜੀ. ਡੀ. ਪੀ. ਨੇ 1.2 ਫੀਸਦੀ ਦਰ ਨਾਲ ਗ੍ਰੋਥ ਕੀਤੀ ਜੋ ਕੈਨੇਡੀਅਨ ਔਸਤਨ 1.6 ਫੀਸਦੀ ਤੋਂ ਘੱਟ ਹੈ। ਸੂਬਾ ਸਰਕਾਰ ਮੁਤਾਬਕ, 2024-25 ਵਿਚ ਬੀ. ਸੀ. ਦੀ ਬੇਰੁਜ਼ਗਾਰੀ ਦਰ 5.6 ਫੀਸਦੀ ਰਹੀ ਜੋ ਰਾਸ਼ਟਰੀ ਔਸਤਨ ਤੋਂ ਘੱਟ ਸੀ।
ਬੇਲੀ ਨੇ ਕਿਹਾ ਕਿ ਸੂਬਾ ਵਾਸੀਆਂ ਦੇ ਜੀਵਨ ਨੂੰ ਬਿਹਤਰ ਬਣਾਉਣ ਲਈ ਅਸੀਂ ਜ਼ਰੂਰੀ ਕਰੜੇ ਫੈਸਲੇ ਲੈਂਦੇ ਰਹਾਂਗੇ। ਵਿੱਤ ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਸੂਬੇ ਦੀ ਆਰਥਿਕ ਸਥਿਤੀ ਨੂੰ ਮਜਬੂਤ ਅਤੇ ਆਤਮ ਨਿਰਭਰ ਕੈਨੇਡਾ ਦੇ ਆਰਥਿਕ ਇੰਜਣ ਦੇ ਰੂਪ ਵਿਚ ਸਥਾਪਤ ਕਰ ਰਹੀ ਹੈ।
