12.61C Vancouver 12.61C VancouverMay 31, 2021 5:34 PM -
ਬੀ.ਸੀ. ਸਰਕਾਰ ਦਾ ਕਹਿਣਾ ਹੈ ਕਿ, 1 ਜੂਨ ਤੋਂ ਸੂਬੇ ਦੇ ਸਭ ਤੋਂ ਘਟ ਵੇਜ 'ਤੇ ਕੰਮ ਕਰ ਰਹੇ ਵਰਕਰਾਂ, ਲਿਕਰ ਸਰਵਰਸ ਨੂੰ ਵੇਜ 'ਚ ਵਾਧਾ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਇਸ ਦੇ ਨਾਲ ਹੀ 1 ਜੂਨ ਤੋਂ ਜਨਰਲ ਮਿਨੀਮਮ ਵੇਜ 'ਚ ਵੀ ਵਾਧਾ ਹੋਣ ਜਾ ਰਿਹਾ ਹੈ।
ਬੀਤੇ 4 ਸਾਲ 'ਚ ਬੀ.ਸੀ. 'ਚ ਮਿਨੀਮਮ ਵੇਜ $11.35 ਤੋਂ $15.20 ਹੋ ਗਈ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਨਾਲ ਸੂਬੇ ਦੇ 400,000 ਤੋਂ ਵਧੇਰੇ ਲੋਕਾਂ ਨੂੰ ਲਾਭ ਮਿਲਿਆ ਹੈ, ਜਿਸ 'ਚ ਵਧੇਰੇ ਔਰਤਾਂ ਅਤੇ ਇਮੀਗ੍ਰੈਂਟਸ ਹਨ।
ਲੇਬਰ ਮੰਤਰੀ ਹੈਰੀ ਬੈਂਸ ਦਾ ਕਹਿਣਾ ਹੈ ਕਿ ਲਿਕਰ ਸਰਵਰਸ ਦੀ ਮਿਨੀਮਮ ਵੇਜ ਨਾਲ ਵਿਤਕਰਾ ਹੋ ਰਿਹਾ ਸੀ ਅਤੇ ਇਸ 'ਚ 80% ਔਰਤਾਂ ਕੰਮ ਕਰਦੀਆਂ ਹਨ।
ਉਨ੍ਹਾਂ ਦੱਸਿਆ ਕਿ ਲਿਕਰ ਸਰਵਰਸ ਦੀ ਮਿਨੀਮਮ ਵੇਜ 1 ਜੂਨ ਤੋਂ 13.95 ਡਾਲਰ ਤੋਂ ਵਧ ਕੇ 15.20 ਡਾਲਰ ਪ੍ਰਤੀ ਘੰਟਾ ਕੀਤੀ ਜਾ ਰਹੀ ਹੈ।
ਇਸ ਤੋਂ ਇਲਾਵਾ ਜਨਰਲ ਮਿਨੀਮਮ ਵੇਜ 'ਚ 60 ਸੈਂਟ ਦਾ ਵਾਧਾ ਕੀਤਾ ਜਾ ਰਿਹਾ ਹੈ।
ਹੁਣ ਮਿਨੀਮਮ ਵੇਜ $14.60 ਤੋਂ ਵੱਧ ਕੇ $15.20 ਹੋਣ ਜਾ ਰਹੀ ਹੈ।
ਇਸ ਤੋਂ ਇਲਾਵਾ ਲਿਵ-ਇਨ ਕੈਂਪ ਲੀਡਰਸ ਅਤੇ ਰੈਜ਼ੀਡੈਂਟ ਕੇਅਰ ਟੇਕਰਸ ਲਈ ਮਿਨੀਮਮ ਰੇਟਸ 'ਚ ਵੀ ਵਾਧਾ ਹੋਣ ਜਾ ਰਿਹਾ ਹੈ।
ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਅਗਲੇ ਸਾਲ ਤੋਂ ਵੇਜ 'ਚ ਵਾਧਾ ਇੰਫਲੇਸ਼ਨ ਦੇ ਰੇਟ ਅਨੁਸਾਰ ਕੀਤਾ ਜਾਵੇਗਾ।
ਹੈਰੀ ਬੈਂਸ ਨੇ ਕਿਹਾ ਕਿ ਕੋਵਿਡ-19 ਪੈਂਡੈਮਿਕ ਦੌਰਾਨ ਕਈ ਘੱਟ ਇੰਕਮ ਵਾਲੇ ਲੋਕਾਂ ਨੇ ਅਹਿਮ ਭੂਮਿਕਾ ਨਿਭਾਈ ਹੈ।
ਪਾਰਲੀਅਮੈਂਟਰੀ ਸੈਕਰੇਟਰੀ ਆਫ ਜੈਂਡਰ ਇਕਵਿਟੀ, ਗ੍ਰੇਸ ਲੋਰ ਦਾ ਕਹਿਣਾ ਸੀ ਕਿ ਬਹੁਤੇ ਮਿਨੀਮਮ ਵੇਜ ਵਰਕਰ ਔਰਤਾਂ ਹਨ ਅਤੇ ਇਸ 'ਚ ਵਧੇਰੇ ਰੇਸ਼ੀਅਲਾਈਜ਼ਡ ਔਰਤਾਂ ਅਤੇ ਨਿਊਕਮਰਸ ਹਨ ਜੋ ਕਿ ਚੰਗੀਆਂ ਤਨਖਾਹਾਂ ਵਾਲੀਆਂ ਨੌਕਰੀਆਂ ਲਈ ਅੜਿੱਕਿਆਂ ਦਾ ਸਾਹਮਣਾ ਕਰਦੀਆਂ ਹਨ।
ਉਨ੍ਹਾਂ ਕਿਹਾ ਕਿ ਸਾਨੂੰ ਅਜਿਹੀਆਂ ਤਨਖਾਹਾਂ ਨੂੰ ਲਿਆਉਣ ਦੀ ਲੋੜ ਹੈ ਜਿੰਨਾ 'ਤੇ ਜੀਵਨ ਬਤੀਤ ਕੀਤਾ ਜਾ ਸਕੇ।
