12.69C Vancouver 12.69C VancouverMay 21, 2021 7:29 PM -
ਲੇਬਰ ਮੰਤਰੀ ਹੈਰੀ ਬੈਂਸ ਦਾ ਕਹਿਣਾ ਹੈ ਕਿ 20 ਮਈ ਤੋਂ ਵਰਕਰਾਂ ਦੇ ਲਈ ਇਹ ਆਪਸ਼ਨ ਉਪਲਬਧ ਹੋ ਗਈ ਹੈ ਕਿ ਕੋਵਿਡ-19 ਨਾਲ ਸੰਬੰਧਤ ਹਾਲਾਤਾਂ ਦੇ ਚਲਦਿਆਂ 3 ਦਿਨ ਤਕ ਦੀ ਪੇਡ ਸਿੱਕ ਲੀਵ ਦਾ ਲਾਭ ਲਿਆ ਜਾ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਵਰਕਰ ਲਈ ਅਜਿਹੇ ਹਾਲਾਤ ਨਹੀਂ ਬਣਨੇ ਚਾਹੀਦੇ ਜਿੱਥੇ ਉਨ੍ਹਾਂ ਨੂੰ ਬਿਮਾਰ ਅਵਸਥਾ 'ਚ ਕੰਮ 'ਤੇ ਜਾਣ ਅਤੇ ਜਾਂ ਫਿਰ ਘਰ ਰਹਿ ਕੇ ਤਨਖਾਹ ਗਵਾਉਣ ਦਾ ਸਾਹਮਣਾ ਕਰਨਾ ਪਵੇ।
ਇਸ ਦਾ ਅਰਥ ਹੈ ਕਿ ਜੇਕਰ ਕੋਈ ਵਿਅਕਤੀ ਕੋਵਿਡ-19 ਕਾਰਨ ਬਿਮਾਰ ਹੈ, ਕਿਸੇ ਪਬਲਿਕ ਹੈਲਥ ਆਰਡਰ ਕਾਰਨ ਉਸ ਨੂੰ ਸੈਲਫ-ਆਈਸੋਲੇਟ ਕਰਨਾ ਪੈ ਰਿਹਾ ਹੈ, ਉਸ ਨੂੰ ਕੋਵਿਡ-19 ਦੇ ਲੱਛਣ ਹਨ, ਜਾਂ ਫਿਰ ਉਹ ਟੈਸਟ ਨਤੀਜੇ ਉਡੀਕ ਰਿਹਾ ਹੈ, ਤਾਂ ਅਜਿਹੇ ਹਾਲਾਤਾਂ 'ਚ ਉਹ 3 ਦਿਨ ਦੀ ਪੇਡ ਸਿੱਕ ਲੀਵ ਹਾਸਿਲ ਕਰ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਜੇਕਰ ਵਰਕਰ ਨੂੰ ਇਸ ਤੋਂ ਵਧੇਰੇ ਬਿਮਾਰ ਸਮੇਂ ਦੀ ਲੋੜ ਹੈ ਤਾਂ ਸਰਕਾਰ ਦਾ ਪ੍ਰੋਗਰਾਮ ਕੁਝ ਹੋਰ ਬੈਨੀਫਿਟ ਪ੍ਰੋਗਰਾਮਸ ਦਾ ਹੱਲ ਵੀ ਦਿੰਦਾ ਹੈ।
ਯਾਦ ਰਹੇ ਪ੍ਰੋਗਰਾਮ ਤਹਿਤ ਐਂਪਲਾਇਰਸ ਨੂੰ ਵਰਕਰ ਦੀ ਛੁੱਟੀ ਸੰਬੰਧੀ ਪ੍ਰਤੀ ਦਿਨ ਵੱਧ ਤੋਂ ਵੱਧ 200 ਡਾਲਰ ਰੀਇੰਬਰਸ ਕੀਤੇ ਜਾਣਗੇ।
ਹੈਰੀ ਬੈਂਸ ਦਾ ਕਹਿਣਾ ਹੈ ਕਿ ਸੂਬੇ ਦੇ ਲਈ ਵਰਕਸੇਫ ਬੀ.ਸੀ. ਵੱਲੋਂ ਇਸ ਪ੍ਰੋਗਰਾਮ ਨੂੰ ਐਡਮਿਨਿਸਟਰ ਕੀਤਾ ਜਾਵੇਗਾ।
