15.05C Vancouver 15.05C VancouverNov 13, 2020 1:31 AM -
ਬੀ.ਸੀ. 'ਚ ਕੋਵਿਡ-19 ਸੰਬੰਧੀ ਰਿਪੋਰਟ ਹੋਏ ਮਾਮਲਿਆਂ ਦੀ ਗਿਣਤੀ ਇੱਕ ਵਾਰ ਫਿਰ ਤੋਂ ਰਿਕਾਰਡ ਤੋੜ ਗਈ ਹੈ।
ਅੱਜ ਬੀ.ਸੀ. 'ਚ ਕੋਵਿਡ-19 ਦੇ 1,130 ਹੋਰ ਮਾਮਲੇ ਸਾਹਮਣੇ ਆਉਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਬੀਤੇ 48 ਘੰਟੇ ਦਾ ਅੰਕੜਾ ਹੈ, ਜਿਸ 'ਚ ਮੰਗਲਵਾਰ ਦੇ 536 ਮਾਮਲੇ ਅਤੇ ਬੁੱਧਵਾਰ ਦੇ 594 ਮਾਮਲੇ ਸ਼ਾਮਿਲ ਹਨ।
ਬੁੱਧਵਾਰ ਨੂੰ ਰਿਪੋਰਟ ਕੀਤੇ ਗਏ ਅੰਕੜੇ ਬੀ.ਸੀ. 'ਚ ਹੁਣ ਤੱਕ ਦੇ ਸਭ ਤੋਂ ਵੱਧ ਵਾਇਰਸ ਸੰਬੰਧੀ ਮਾਮਲੇ ਹਨ।
4 ਵਾਇਰਸ ਪੀੜਤਾਂ ਦੇ ਦਮ ਤੋੜਨ ਬਾਰੇ ਦੱਸਿਆ ਗਿਆ ਹੈ।
ਹੁਣ ਬੀ.ਸੀ. 'ਚ ਕੋਵਿਡ-19 ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 20,368 ਹੋ ਗਈ ਹੈ।
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਅੱਜ ਦੇ ਮਾਮਲਿਆਂ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ ਹੈ।
ਸੂਬੇ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 288 ਹੈ।
ਬੀ.ਸੀ. 'ਚ ਵਾਇਰਸ ਸੰਬੰਧੀ ਐਕਟਿਵ ਮਾਮਲੇ 5,793 ਤੱਕ ਪਹੁੰਚ ਗਏ ਹਨ।
ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ ਦੀ ਗਿਣਤੀ 'ਚ ਵੀ ਵਾਧਾ ਦਰਜ ਕੀਤਾ ਗਿਆ ਹੈ।
ਕੁੱਲ 155 ਲੋਕ ਹਸਪਤਾਲ 'ਚ ਦਾਖਿਲ ਹਨ, ਤੇ ਇਸ 'ਚ 44 ਨੂੰ ਆਈ.ਸੀ.ਯੂ. 'ਚ ਰੱਖਿਆ ਗਿਆ ਹੈ।
ਯਾਦ ਰਹੇ ਅੱਜ ਇਕੱਲੇ ਫਰੇਜ਼ਰ ਹੈਲਥ ਇਲਾਕੇ 'ਚ 808 ਮਾਮਲੇ ਰਿਪੋਰਟ ਹੋਏ ਹਨ।
ਅੱਜ ਡਾ. ਬੌਨੀ ਹੈਨਰੀ ਨੇ ਸੂਬੇ 'ਚ ਕੋਵਿਡ-19 ਸੰਬੰਧੀ ਮਾਡਲਿੰਗ ਦੇ ਅੰਕੜੇ ਵੀ ਪੇਸ਼ ਕੀਤੇ ਹਨ।
ਇਸ 'ਚ ਦੱਸਿਆ ਗਿਆ ਕਿ, ਸੂਬੇ 'ਚ ਸਾਹਮਣੇ ਆਏ ਹਰ 10 ਮਾਮਲਿਆਂ 'ਚ ਔਸਤਨ ਇੱਕ ਹੈਲਥ ਕੇਅਰ ਵਰਕਰ ਪੀੜਤ ਪਾਇਆ ਗਿਆ।
ਇਸੇ ਪ੍ਰਕਾਰ ਕੰਮ ਦੀਆਂ ਥਾਵਾਂ, ਵਿਆਹਾਂ ਜਾਂ ਸਮਾਗਮਾਂ ਅਤੇ ਫਿਟਨੈਸ ਸੈਂਟਰਾਂ ਜਾਂ ਜਿੰਮਾਂ 'ਚ ਵੀ ਵਾਇਰਸ ਸੰਕ੍ਰਮਣ ਬਾਰੇ ਮਾਡਲਿੰਗ ਜ਼ਰੀਏ ਸਮਝਾਇਆ ਗਿਆ।
