22.33C Vancouver 22.33C VancouverJan 14, 2021 9:35 PM -
ਬੀ.ਸੀ. ਦੇ ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਕਨੂੰਨੀ ਸਲਾਹ ਲੈ ਰਹੀ ਹੈ ਕਿ ਸੂਬੇ ਦੇ ਬਾਹਰ ਦੇ ਲੋਕਾਂ 'ਤੇ ਬੀ.ਸੀ. 'ਚ ਕਿਸੇ ਗੈਰ-ਜ਼ਰੂਰੀ ਯਾਤਰਾ ਸੰਬੰਧੀ ਪਬੰਦੀ ਲਗਾਈ ਜਾ ਸਕੇ।
ਪ੍ਰੀਮਿਅਰ ਜੌਨ ਹੌਰਗਨ ਦਾ ਕਹਿਣਾ ਹੈ ਕਿ ਹੋਰ ਸੂਬਿਆਂ ਜਾਂ ਟੈਰੀਟਰੀਸ ਤੋਂ ਆਉਂਦੇ ਲੋਕਾਂ ਬਾਰੇ ਕੁਝ ਚਿੰਤਾ ਹੈ ਕਿ ਇਹ ਕੋਵਿਡ-19 ਦੇ ਫੈਲਾਅ ਦਾ ਕਾਰਨ ਬਣ ਸਕਦੇ ਹਨ।
ਹੌਰਗਨ ਨੇ ਕਿਹਾ ਕਿ, ਉਹ ਅਤੇ ਦੇਸ਼ ਭਰ ਦੇ ਹੋਰ ਪ੍ਰੀਮਿਅਰਸ, ਕਨੇਡੀਅਨ ਲੋਕਾਂ ਦੇ ਵੱਧ ਤੋਂ ਵੱਧ ਸਮਾਂ ਘਰ 'ਚ ਰਹਿਣ ਦੀ ਵਕਾਲਤ ਕਰ ਰਹੇ ਹਨ।
ਹਾਲਾਂਕਿ ਫਿਰ ਵੀ ਲੋਕਾਂ ਵੱਲੋਂ ਯਾਤਰਾ ਕਰਨਾ ਜਾਰੀ ਰੱਖਿਆ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ 'ਤੇ ਕਈ ਮਹੀਨਿਆਂ ਤੋਂ ਗੱਲਬਾਤ ਹੁੰਦੀ ਰਹੀ ਹੈ ਅਤੇ ਹੁਣ ਜਾਨਣਾ ਜ਼ਰੂਰੀ ਹੈ ਕਿ ਸਰਕਾਰ ਇਸ 'ਤੇ ਕੁਝ ਕਾਰਵਾਈ ਕਰ ਸਕਦੀ ਹੈ ਜਾਂ ਨਹੀਂ।
ਐਨ.ਡੀ.ਪੀ. ਸਰਕਾਰ ਦੀ ਵਰਚੁਅਲ ਕੈਬਿਨੇਟ ਰਿਟ੍ਰੀਟ 'ਚ ਵੀ ਅਗਲੇ 2 ਦਿਨ ਇਹ ਮਸਲਾ ਚੁੱਕਿਆ ਜਾਵੇਗਾ।
ਹੌਰਗਨ ਨੇ ਉਨ੍ਹਾਂ ਮੈਡਿਕਲ ਸਟਾਫ਼ ਦੀ ਵੀ ਆਲੋਚਨਾ ਕੀਤੀ ਜੋ ਕਿ ਫਰੰਟ-ਲਾਈਨ ਵਰਕਰਾਂ ਤੋਂ ਪਹਿਲਾਂ ਕੋਵਿਡ-19 ਵੈਕਸੀਨ ਹਾਸਿਲ ਕਰਨ ਲਈ ਪਹੁੰਚ ਗਏ।
ਹੌਰਗਨ ਨੇ ਕਿਹਾ ਇਹ ਬੇਹੱਦ ਨਿਰਾਸ਼ਾਜਨਕ ਹੈ।
