18.46C Vancouver 18.46C VancouverFeb 12, 2025 4:23 PM - The Canadian Press
ਬੀ.ਸੀ. ਦਾ ਜਨਵਰੀ ਮਹੀਨਾ ਬਰਫਬਾਰੀ ਪੱਖੋ ਖੁਸ਼ਕ ਰਹਿਣ ਮਗਰੋਂ ਫਰਵਰੀ ਦੇ ਸ਼ੁਰੂ ਤੱਕ ਸੂਬੇ ਵਿਚ ਔਸਤ ਸਨੋਪੈਕ ਸਾਧਾਰਣ ਨਾਲੋਂ 28 ਫੀਸਦੀ ਘੱਟ ਦਰਜ ਕੀਤਾ ਗਿਆ ਹੈ। ਸੂਬੇ ਦੇ ਜਲ ਮੰਤਰਾਲਾ ਵਲੋਂ ਜਾਰੀ ਰਿਪੋਰਟ ਮੁਤਾਬਕ, 1 ਫਰਵਰੀ ਤੱਕ ਸੂਬੇ ਵਿਚ ਔਸਤ ਸਨੋਪੈਕ ਸਾਧਾਰਣ ਦੇ 72 ਫੀਸਦੀ ਤੱਕ ਦਰਜ ਹੋਇਆ ਹੈ।
ਬੀ.ਸੀ. ਦੇ ਨਦੀ ਪੂਰਵ ਅਨੁਮਾਨ ਕੇਂਦਰ ਦੇ ਹਾਈਡਰੋਲੋਜਿਸਟ ਜੋਨਾਥਨ ਬੋਇਡ ਨੇ ਕਿਹਾ ਕਿ ਫਰਵਰੀ ਹੁਣ ਤੱਕ ਕਾਫੀ ਖੁਸ਼ਕ ਰਿਹਾ ਹੈ ਅਤੇ ਮੌਸਮ ਦੇ ਪੈਟਰਨ ਵਿਚ ਪਰਿਵਰਤਨ ਬਾਰੇ 7 ਤੋਂ 10 ਦਿਨਾਂ ਵਿਚ ਪਤਾ ਲੱਗ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਵੱਖ-ਵੱਖ ਖੇਤਰਾਂ ਵਿਚ ਸਨੋਪੈਕ ਵਿਚ ਕਾਫੀ ਅੰਤਰ ਹੈ, ਇਹ ਨਾਰਮਲ ਦੇ 20 ਫੀਸਦੀ ਤੋਂ ਲੈ ਕੇ 180 ਫੀਸਦੀ ਤੱਕ ਹੈ। ਪੱਛਮੀ ਅੱਪਰ ਫਰੇਜ਼ਰ ਬੇਸਿਨ ਵਿਚ ਇਹ 92 ਫੀਸਦੀ ਸੀ, ਜਦੋਂ ਕਿ ਸਿਮਿਲਕਾਮੀਨ ਵਿਚ ਇਹ ਨਾਰਮਲ ਦੇ 57 ਫੀਸਦੀ ਤੱਕ ਸੀ।
ਸਰਕਾਰ ਵਲੋਂ ਜਾਰੀ ਬੁਲੇਟਿਨ ਵਿਚ ਕਿਹਾ ਗਿਆ ਹੈ ਕਿ ਨਾਰਮਲ ਤੋਂ ਘੱਟ ਸਨੋਪੈਕ ਵਾਲੇ ਖੇਤਰਾਂ ਵਿਚ ਸਪਰਿੰਗ ਅਤੇ ਗਰਮੀਆਂ ਦੌਰਾਨ ਸੋਕੇ ਦੀ ਸਥਿਤੀ ਪੈਦਾ ਹੋਣ ਦੀ ਚਿੰਤਾ ਹੈ, ਜਦੋਂ ਕਿ ਨਾਰਮਲ ਦੇ ਕਰੀਬ ਸਨੋਪੈਕ ਵਾਲੇ ਖੇਤਰ ਵਿਚ ਇਨ੍ਹਾਂ ਦੇ ਪਿਘਲਣ ਨਾਲ ਹੜ੍ਹ ਦਾ ਖ਼ਤਰਾ ਜ਼ਿਆਦਾ ਹੋ ਸਕਦਾ ਹੈ।
