10.55C Vancouver 10.55C VancouverNov 10, 2021 1:25 AM - The Canadian Press
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਜਾਣਕਾਰੀ ਦਿੱਤੀ ਹੈ ਕਿ ਫੈਡਰਲ ਸਰਕਾਰ ਨੇ ਲਿਮਿਟਿਡ ਗਿਣਤੀ 'ਚ ਜੌਨਸਨ ਐਂਡ ਜੌਨਸਨ ਦੀ ਕੋਵਿਡ-19 ਦੀ ਵੈਕਸੀਨ ਦੀ ਸਪਲਾਈ ਦੀ ਪੁਸ਼ਟੀ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਇਸ 'ਚ ਕੁਝ ਵੈਕਸੀਨ ਸਪਲਾਈ ਬੀ.ਸੀ. ਤਕ ਵੀ ਪਹੁੰਚੇਗੀ।
ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਇਸ ਵੈਕਸੀਨ ਨੂੰ ਸਭ ਤੋਂ ਪਹਿਲਾਂ ਸੂਬੇ ਦੇ ਹੈਲਥ ਕੇਅਰ ਵਰਕਰਾਂ ਨੂੰ ਪ੍ਰਦਾਨ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਪੀ.ਐਚ.ਓ. ਆਰਡਰ ਨਾਲ ਪ੍ਰਭਾਵਿਤ ਸਿਹਤ ਕਰਮਚਾਰੀਆਂ ਨੂੰ ਇਸ ਵੈਕਸੀਨ ਲਈ ਤਰਜੀਹ ਦਿੱਤੀ ਜਾਵੇਗੀ।
ਯਾਦ ਰਹੇ ਇਸ ਵੈਕਸੀਨ ਦੀ ਇੱਕੋ ਖੁਰਾਕ ਵਾਇਰਸ ਪ੍ਰਤੀ ਇਮਿਊਨਿਟੀ ਸਥਾਪਿਤ ਕਰਨ ਲਈ ਕਾਰਗਰ ਮੰਨੀ ਜਾਂਦੀ ਹੈ।
ਇਸ ਵੈਕਸੀਨ ਦੀ ਅਮਰੀਕਾ 'ਚ ਵੱਡੇ ਪੱਧਰ 'ਤੇ ਵਰਤੋਂ ਕੀਤੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਹੋਰ ਕਿਹੜੇ ਲੋਕਾਂ ਨੂੰ ਇਸ ਵੈਕਸੀਨ ਨੂੰ ਹਾਸਿਲ ਕਰਨ ਦੀ ਇਜਾਜਤ ਹੋਵੇਗੀ ਇਸ ਦੇ ਵੇਰਵੇ ਅਗਲੇ ਹਫਤੇ ਸਾਂਝੇ ਕੀਤੇ ਜਾਣਗੇ।
ਉਨ੍ਹਾਂ ਦੱਸਿਆ ਕਿ ਅਗਲੇ ਹਫਤੇ ਤਕ ਇਸ ਵੈਕਸੀਨ ਦੀਆਂ ਪਹਿਲੀਆਂ ਖੁਰਾਕਾਂ ਸੂਬੇ 'ਚ ਪਹੁੰਚਣ ਦੀ ਆਸ ਹੈ।
