ਵੇਨੇਬਲਸ ਵੈਲੀ ਵਿਚ ਜੰਗਲੀ ਅੱਗ ਕਾਰਨ ਕਈ ਘਰ ਅਤੇ ਢਾਂਚੇ ਹੋਏ ਤਬਾਹ

ਵੇਨੇਬਲਸ ਵੈਲੀ ਵਿਚ ਜੰਗਲੀ ਅੱਗਾਂ ਕਾਰਨ ਕਈ ਘਰ ਅਤੇ ਢਾਂਚੇ ਤਬਾਹ ਹੋ ਚੁੱਕੇ ਹਨ। ਥਾਮਸਨ-ਨਿਕੋਲਾ ਖੇਤਰੀ ਜ਼ਿਲ੍ਹੇ ਅਨੁਸਾਰ ਇਸ ਖੇਤਰ ਵਿਚ ਸ਼ੈਟਲੈਂਡ ਕਰੀਕ ਜੰਗਲੀ ਅੱਗ ਕਾਰਨ ਲਗਭਗ 6 ਘਰ ਪ੍ਰਭਾਵਿਤ ਹੋਏ ਹਨ।

ਸੂਚਨਾ ਅਧਿਕਾਰੀ ਕੋਲਟਨ ਡੇਵਿਸ ਦਾ ਕਹਿਣਾ ਹੈ ਕਿ ਅੱਗ ਲਗਭਗ 20 ਤੋਂ ਵੱਧ ਢਾਂਚੇ ਤਬਾਹ ਹੋ ਚੁੱਕੇ ਹਨ ਪਰ ਇਨ੍ਹਾਂ ਵਿਚ ਜ਼ਿਆਦਾਤਰ ਸ਼ੈੱਡਾਂ ਅਤੇ ਗਰਾਜ ਵਰਗੇ ਦੂਜੇ ਦਰਜੇ ਦੇ ਢਾਂਚੇ ਸ਼ਾਮਲ ਹਨ।

ਡੇਵਿਸ ਦਾ ਕਹਿਣਾ ਹੈ ਕਿ ਐਮਰਜੈਂਸੀ ਅਧਿਕਾਰੀਆਂ ਵਲੋਂ ਉਨ੍ਹਾਂ ਲੋਕਾਂ ਨਾਲ ਮੁਲਾਕਾਤ ਕੀਤੀ ਗਈ ਹੈ ਜਿਨ੍ਹਾਂ ਨੇ ਆਪਣੇ ਘਰ ਗੁਆ ਦਿੱਤੇ ਹਨ। ਥਾਮਸਨ-ਨਿਕੋਲਾ ਖੇਤਰੀ ਜ਼ਿਲ੍ਹੇ ਨੇ ਬੀਤੇ ਸੋਮਵਾਰ ਨਿਕਾਸੀ ਦੇ ਹੁਕਮ ਅਤੇ ਅਲਰਟ ਦੇ ਜਾਰੀ ਰਹਿਣ ਬਾਰੇ ਵੀ ਐਲਾਨ ਕੀਤਾ ਸੀ। ਇਸ ਅੱਗ ਸਪੈਂਸ ਬ੍ਰਿਜ ਅਤੇ ਐਸ਼ਕ੍ਰਾਫਟ ਵਿਚਕਾਰ ਬੰਦ ਕੀਤੇ ਗਏ ਹਾਈਵੇਅ 1 ਨੂੰ ਦੁਬਾਰਾ ਖੋਲ੍ਹ ਦਿੱਤਾ ਗਿਆ ਹੈ।

ਜ਼ਿਕਰਯੋਗ ਹੈ ਕਿ ਸ਼ੈਟਲੈਂਡ ਕਰੀਕ ਜੰਗਲੀ ਅੱਗ ਦਾ ਆਕਾਰ ਲਗਭਗ 199 ਵਰਗ ਕਿਲੋਮੀਟਰ ਹੈ ਅਤੇ ਇਸ ਕਾਰਨ ਉੱਤਰ ਵਿੱਚ ਐਸ਼ਕ੍ਰਾਫਟ ਤੋਂ ਲੈ ਕੇ ਸਪੈਂਸ ਬ੍ਰਿਜ ਤੱਕ ਫੈਲੀਆਂ ਕਮਿਊਨਿਟੀ ਵਿੱਚ ਨਿਕਾਸੀ ਦੇ ਹੁਕਮ ਅਤੇ ਅਲਰਟ ਜਾਰੀ ਕੀਤੇ ਗਏ ਹਨ।