12.31C Vancouver 12.31C VancouverNov 28, 2024 1:21 PM - The Canadian Press
ਐਲਬਰਟਾ ਦੀ ਲੇਕ ਵਿਚ 5 ਸਾਲਾ ਬੱਚੀ ਦੇ ਡੁੱਬਣ ਦੇ ਮਾਮਲੇ ਵਿਚ ਫਸੀ 35 ਸਾਲਾ ਔਰਤ ਨੂੰ ਅਦਾਲਤ ਨੇ ਜ਼ਮਾਨਤ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ।
ਮੈਰੀ ਕੁਇਨ ਨੂੰ ਡੁੱਬ ਰਹੀ ਬੱਚੀ ਨੂੰ ਬਚਾਉਣ ਲਈ ਜ਼ਰੂਰੀ ਕਦਮ ਨਾ ਚੁੱਕਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਵੈਸਟ ਐਡਮਿੰਟਨ ਦੀ ਵਾਬਾਮੁਨ ਝੀਲ ਵਿਚ ਬੱਚੀ ਦੀ ਲਾਸ਼ 13 ਅਕਤੂਬਰ ਨੂੰ ਮਿਲੀ ਸੀ। ਔਰਤ ਦਾ ਕਹਿਣਾ ਹੈ ਕਿ ਉਹ ਬੱਚੀ ਨੂੰ ਜਾਣਦੀ ਨਹੀਂ ਸੀ ਅਤੇ ਨਾ ਹੀ ਜਾਣ-ਬੁੱਝ ਕੇ ਉਸ ਨੇ ਉਸ ਨੂੰ ਪਾਣੀ ਵਿਚ ਸੁੱਟਿਆ। ਕ੍ਰਾਊਨ ਮੁਤਾਬਕ ਜਦ ਬੱਚੀ ਦੀ ਮੌਤ ਹੋਈ ਔਰਤ ਹਾਊਸ ਅਰੈਸਟ ਵਿਚ ਸੀ ਕਿਉਂਕਿ ਉਹ ਕਿਸੇ ਅਣਜਾਣ ਦੇ ਘਰ ਨਸ਼ੇ ਦੀ ਹਾਲਤ ਵਿਚ ਹਥਿਆਰ ਲੈ ਕੇ ਦਾਖਲ ਹੋ ਗਈ ਸੀ। ਉਸ ਨੂੰ ਉਸ ਸਮੇਂ 3 ਹਫਤਿਆਂ ਦੀ ਸਜ਼ਾ ਮਿਲੀ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਉਸ ਨੇ ਆਪਣੇ ਜ਼ਮਾਨਤ ਦੇ ਸੁਪਰਵਾਈਜ਼ਰ ਕੋਲੋਂ ਲੇਕ ਵੱਲ ਜਾਣ ਦੀ ਇਜਾਜ਼ਤ ਨਹੀਂ ਲਈ ਸੀ। ਔਰਤ ਦਾ ਕਹਿਣਾ ਹੈ ਕਿ ਬੱਚੀ ਬੱਤਖ ਫੜਨ ਦੀ ਕੋਸ਼ਿਸ਼ ਕਰ ਰਹੀ ਸੀ ਅਤੇ ਡੁੱਬ ਗਈ।
