16.78C Vancouver 16.78C VancouverSep 17, 2025 5:50 PM - Connect Newsroom
ਬੈਂਕ ਔਫ ਕੈਨੇਡਾ ਨੇ ਬੁੱਧਵਾਰ ਨੂੰ ਆਪਣੇ ਵਿਆਜ ਦਰ ਦੇ ਫੈਸਲੇ ਦਾ ਐਲਾਨ ਕਰਦੇ ਹੋਏ ਇਸ ਵਿਚ 25 ਬੇਸਿਸ ਪੁਆਇੰਟ ਦੀ ਕਟੌਤੀ ਕੀਤੀ ਹੈ, ਜਿਸ ਨਾਲ ਇਸ ਦੀ ਬੈਂਚਮਾਰਕ ਦਰ ਘੱਟ ਕੇ 2.50 ਫੀਸਦੀ 'ਤੇ ਆ ਗਈ ਹੈ।
ਸੈਂਟਰਲ ਬੈਂਕ ਨੇ ਸੱਤ ਵਾਰ ਦਰਾਂ ਵਿਚ ਕਟੌਤੀ ਕਰਨ ਤੋਂ ਬਾਅਦ ਮਾਰਚ 2025 ਤੋਂ ਇਸ ਨੂੰ 2.75 ਫੀਸਦੀ 'ਤੇ ਸਥਿਰ ਰੱਖਿਆ ਸੀ ਕਿਉਂਕਿ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਟੈਰਿਫਸ ਲਾਗੂ ਹੋਣੇ ਸ਼ੁਰੂ ਹੋ ਗਏ ਸਨ, ਜਿਸ ਕਾਰਨ ਬੈਂਕ ਔਫ ਕੈਨੇਡਾ ਨੇ ਅਰਥਵਿਵਸਥਾ ਅਤੇ ਖਪਤਕਾਰਾਂ ਦੀਆਂ ਕੀਮਤਾਂ 'ਤੇ ਇਨ੍ਹਾਂ ਦੇ ਪ੍ਰਭਾਵ ਦਾ ਮੁਲਾਂਕਣ ਕਰਨ ਲਈ ਇੰਟਰਸਟ ਰੇਟ ਵਿਚ ਕਟੌਤੀ ਦੇ ਚੱਕਰ ਨੂੰ ਹੋਲਡ ਕਰ ਦਿੱਤਾ ਸੀ।
ਸੈਂਟਰਲ ਬੈਂਕ ਦੀ ਵਿਆਜ ਦਰਾਂ ਵਿਚ ਤਾਜ਼ਾ ਕਟੌਤੀ ਕੈਨੇਡੀਅਨ ਹੋਮਬਾਇਰ ਲਈ ਰਾਹਤ ਦਾ ਕਦਮ ਹੈ, ਖਾਸ ਤੌਰ 'ਤੇ ਵੈਰੀਏਬਲ ਰੇਟ ਮੌਰਗੇਜ ਹੋਲਡਰ ਨੂੰ ਇਸ ਦਾ ਤੁਰੰਤ ਫਾਇਦਾ ਮਿਲੇਗਾ, ਜਿਸ ਨਾਲ ਉਨ੍ਹਾਂ ਦੇ ਮਹੀਨਾਵਾਰ ਭੁਗਤਾਨ ਵਿਚ ਕਮੀ ਹੋਵੇਗੀ।
ਵੈਰੀਏਬਲ ਮੌਰਗੇਜ ਰੇਟ ਸਿੱਧੇ ਬੈਂਕ ਔਫ ਕੈਨੇਡਾ ਦੇ ਪੌਲਿਸੀ ਰੇਟ ਨਾਲ ਲਿੰਕਡ ਹੁੰਦੇ ਹਨ। ਸੈਂਟਰਲ ਬੈਂਕ ਵਲੋਂ ਓਵਰਨਾਈਟ ਰੇਟ ਵਿਚ ਕਟੌਤੀ ਨਾਲ ਡਿਪਾਜ਼ਿਟ ਦਰ ਵੀ 2.45 ਫੀਸਦੀ ਹੋ ਗਈ ਹੈ।
