Bank of Canada Governor Warns of Economic Damage from US Tariffs and Retaliatory Measures

ਬੈਂਕ ਆਫ਼ ਕੈਨੇਡਾ ਦੇ ਗਵਰਨਰ ਨੇ ਦਿੱਤੀ ਚਿਤਾਵਨੀ ਅਮਰੀਕਾ ਦੇ ਟੈਰਿਫ ਦੀ ਜਾਵਾਬੀ ਕਾਰਵਾਈ ਨਾਲ ਹੋਵੇਗਾ ਨੁਕਸਾਨ

Share On

bank-of-canada-governor-warns-of-economic-damage-from-us-tariffs-and-retaliatory-measures

. He explained that the tariffs would permanently reduce Canada's output, a blow greater than that of the pandemic.(Photo: The Canadian Press)

ਬੈਂਕ ਆਫ਼ ਕੈਨੇਡਾ ਦੇ ਗਵਰਨਰ ਟਿਫ ਮੈਕਲੇਮ ਨੇ ਚਿਤਾਵਨੀ ਦਿੱਤੀ ਹੈ ਕਿ ਅਮਰੀਕੀ ਟੈਰਿਫ ਅਤੇ ਕੈਨੇਡਾ ਦੀ ਜਵਾਬੀ ਕਾਰਵਾਈ ਨਾਲ ਅਰਥਵਿਵਸਥਾ ’ਤੇ ਤਬਾਹਕੁੰਨ ਪ੍ਰਭਾਵ ਪਵੇਗਾ, ਜਿਸ ਨਾਲ ਵਿਕਾਸ ਦਰ ਪਟੜੀ ਤੋਂ ਲਹਿ ਜਾਵੇਗੀ ਅਤੇ ਮਹਿੰਗਾਈ ਫਿਰ ਤੋਂ ਵੱਧ ਜਾਵੇਗੀ।

ਮੈਕਲੇਮ ਨੇ ਸ਼ੁੱਕਰਵਾਰ ਨੂੰ ਮਿਸੀਸਾਗਾ ਬੋਰਡ ਆਫ਼ ਟਰੇਡ ਅਤੇ ਓਕਵਿਲ ਚੈਂਬਰ ਆਫ਼ ਕਾਮਰਸ ਵਲੋਂ ਆਯੋਜਿਤ ਇੱਕ ਪ੍ਰੋਗਰਾਮ ਵਿਚ ਆਪਣੇ ਭਾਸ਼ਣ ਵਿਚ ਕਿਹਾ ਕਿ ਟੈਰਿਫ ਤੋਂ ਲੱਗਣ ਵਾਲਾ ਝਟਕਾ ਕੋਵਿਡ-19 ਮਹਾਮਾਰੀ ਦੇ ਆਰਥਿਕ ਝਟਕੇ ਤੋਂ ਬਹੁਤ ਵੱਖਰਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਸਾਡਾ ਆਉਟਪੁੱਟ ਪੱਧਰ-ਸਥਾਈ ਤੌਰ ’ਤੇ ਘੱਟ ਹੋ ਜਾਵੇਗਾ, ਜੋ ਝਟਕੇ ਤੋਂ ਵੀ ਜ਼ਿਆਦਾ ਹੈ।

ਇਸ ਤੋਂ ਇਲਾਵਾ ਮੈਕਲੇਮ ਨੇ ਕਿਹਾ ਕਿ ਟੈਰਿਫ ਦੇ ਨਤੀਜੇ ਵਜੋਂ ਨਿਰਯਾਤ ਘੱਟ ਹੋਣ ਨਾਲ ਘਰੇਲੂ ਆਮਦਨ ਘੱਟ ਹੋ ਜਾਵੇਗੀ, ਜਦੋਂ ਕਿ ਜਵਾਬੀ ਟੈਰਿਫ ਨਾਲ ਕੈਨੇਡਾ ਵਿਚ ਆਉਣ ਵਾਲੇ ਅਮਰੀਕੀ ਸਾਮਾਨ ਦੀ ਮਹਿੰਗਾਈ ਵੱਧ ਜਾਵੇਗੀ। ਸੈਂਟਰਲ ਬੈਂਕ ਗਵਰਨਰ ਨੇ ਕਿਹਾ ਕਿ ਅਮਰੀਕਾ ਨੂੰ ਹੋਣ ਵਾਲੇ ਨਿਰਯਾਤ ਦਾ ਕੈਨੇਡਾ ਦੀ ਰਾਸ਼ਟਰੀ ਆਮਦਨ ਵਿਚ ਯੋਗਦਾਨ ਲਗਭਗ ਇੱਕ ਤਿਹਾਈ ਹੈ।

ਕੈਨੇਡਾ ਵੱਲੋਂ ਇਸ ਸਾਲ ਇੰਡੋ-ਪੈਸੀਫਿਕ ਖੇਤਰ ਵਿਚ ਦੋ ਵਾਰ ਆਪਣੇ ਜੰਗੀ ਬੇੜੇ ਭੇਜਣ ਦੀ ਯੋਜਨਾ ਬਣਾਈ ਗਈ ਹੈ। ਰੱਖਿਆ ਮੰਤਰੀ ਡੇਵਿਡ ਮੈਕਗਿੰਟੀ ਨੇ ਬੁੱਧਵਾਰ ਨੂੰ ਟੋਕੀਓ ਵਿਚ ਦਿੱਤੇ ਇੱਕ ਇੰਟਰਵਿਊ ਦੌਰਾਨ ਇਸ ਗੱਲ ਦੀ ਪੁਸ਼ਟੀ ਕੀਤੀ। ਔਟਵਾ ਵਲੋਂ ਚੁੱਕਿਆ ਜਾ ਰਿਹਾ ਇਹ ਕਦਮ ਇੰਡੋ-ਪੈਸੀਫਿਕ ਦੇ ਖੇਤਰੀ ਸਹਿਯੋਗੀਆਂ ਨਾਲ ਫੌਜੀ ਸਬੰਧਾਂ ਨੂੰ ਮਜ਼ਬੂਤ ਕਰਨ ਦੀ ਰਣਨੀਤੀ ਦਾ ਹਿੱਸਾ ਹੈ, ਭਾਵੇਂ ਕਿ ਦੂਜੇ ਪਾਸੇ ਕੈਨੇਡਾ ਵੱਲੋਂ ਚੀਨ ਨਾਲ ਵਪਾਰਕ ਸਬੰਧ ਬਣਾਏ ਰੱਖਣ ਦੀਆਂ ਕੋਸ਼ਿਸ਼ਾਂ ਵੀ ਜਾਰੀ ਹਨ।