14.26C Vancouver 14.26C VancouverJul 8, 2021 7:41 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਆਪਣੀ ਬੀ.ਸੀ. ਫੇਰੀ ਦੌਰਾਨ ਕੋਕਟਲਮ ਪਹੁੰਚ ਕੀਤੀ।
ਇਸ ਮੌਕੇ ਉਨ੍ਹਾਂ ਨਾਲ ਲਿਬਰਲ ਫੈਡਰਲ ਕੈਬਿਨੇਟ ਦੇ ਕਈ ਮੰਤਰੀਆਂ ਤੋਂ ਇਲਾਵਾ ਸੂਬੇ ਦੇ ਪ੍ਰੀਮਿਅਰ ਜੌਨ ਹੌਰਗਨ ਵੀ ਮੌਜੂਦ ਸਨ।
ਟਰੂਡੋ ਨੇ ਇਸ ਮੌਕੇ ਆਪਣੇ ਬੀ.ਸੀ. ਪਹੁੰਚਣ ਦੀ ਖੁਸ਼ੀ ਵੀ ਜ਼ਾਹਿਰ ਕੀਤੀ ਅਤੇ ਕਿਹਾ ਕਿ ਇਹ ਇਲਾਕਾ ਉਨ੍ਹਾਂ ਦੇ ਬਚਪਨ ਦੀਆਂ ਯਾਦਾਂ ਤਾਜ਼ੀਆਂ ਕਰ ਦਿੰਦਾ ਹੈ।
ਟਰੂਡੋ ਨੇ ਸੂਬੇ 'ਚ ਹੀਟ ਵੇਵ ਦੀ ਦਸਤਕ ਤੋਂ ਬਾਅਦ ਵਾਈਲਡਫਾਇਰਸ 'ਤੇ ਚਿੰਤਾ ਵੀ ਜ਼ਾਹਿਰ ਕੀਤੀ।
ਟਰੂਡੋ ਨੇ ਇੰਡੀਜਨਸ ਲੋਕਾਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਕੈਨੇਡਾ ਨੂੰ ਮੰਨਣ ਦੀ ਲੋੜ ਹੈ ਕਿ ਸਾਡਾ ਸ਼ਰਮਸਾਰ ਕਰਨ ਵਾਲਾ ਇਤਿਹਾਸ ਸਾਡੇ ਭਵਿੱਖ 'ਤੇ ਅਸਰ ਨਾ ਪਾਵੇ।
ਇਸ ਦੇ ਨਾਲ ਹੀ ਟਰੂਡੋ ਨੇ ਸਰਕਾਰ ਦੇ ਚਾਈਲਡ ਕੇਅਰ ਪਲੈਨ ਬਾਰੇ ਗੱਲਬਾਤ ਕੀਤੀ ਅਤੇ ਕਿਹਾ ਕਿ ਅਪ੍ਰੈਲ 'ਚ ਇਸ ਬਾਰੇ ਐਲਾਨ ਕਰਨ ਤੋਂ ਬਾਅਦ ਅੱਜ ਬੀ.ਸੀ. 'ਚ $10 ਪ੍ਰਤੀ ਦਿਨ ਦੀ ਚਾਈਲਡ ਕੇਅਰ ਪਾਲਿਸੀ 'ਤੇ ਕਰਾਰ ਹੋ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਇਸ ਕਰਾਰ ਆਸਰੇ ਅਗਲੇ 5 ਸਾਲਾਂ 'ਚ ਚਾਈਲਡ ਕੇਅਰ 'ਚ ਵੱਡੀਆਂ ਕਟੌਤੀਆਂ ਹੋਣਗੀਆਂ ਅਤੇ ਇਸ ਨੂੰ ਪ੍ਰਤੀ ਦਿਨ $10 'ਤੇ ਲਿਆਂਦਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਅਗਲੇ ਸਾਲ ਤੱਕ ਹੀ ਇਹ ਖਰਚੇ ਅੱਧੇ ਹੋ ਜਾਣਗੇ।
