18.39C Vancouver 18.39C VancouverJan 10, 2022 10:32 PM - The Canadian Press
ਬੀ.ਸੀ. ਫੈਰੀਸ ਦਾ ਕਹਿਣਾ ਹੈ ਕਿ ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਦੇ ਵਧਦੇ ਫੈਲਾਅ ਵਿਚਾਲੇ ਅਗਲੇ ਕੁਝ ਮਹੀਨਿਆਂ 'ਚ ਕੁਝ ਫੈਰੀ ਸੇਵਾਵਾਂ ਰੱਦ ਹੋ ਸਕਦੀਆਂ ਹਨ।
ਹਾਲਾਂਕਿ ਬੀ.ਸੀ. ਫੈਰੀਸ ਨੇ ਸਟਾਫ਼ ਦੀ ਘਾਟ ਲਈ ਇਕੱਲੇ ਓਮੀਕਰੌਨ ਵੇਰੀਐਂਟ ਨੂੰ ਹੀ ਕਾਰਨ ਨਹੀਂ ਦੱਸਿਆ ਹੈ ਬਲਕਿ ਫਲੂ ਸੀਜ਼ਨ, ਮਰੀਨਰਸ ਦੀ ਗਲੋਬਲ ਸ਼ੌਰਟੇਜ ਅਤੇ ਮੌਸਮ ਦੇ ਖਤਰਨਾਕ ਰੂਪ ਧਾਰਨ ਨੂੰ ਵੀ ਫੈਰੀ ਸੇਵਾਵਾਂ ਨੂੰ ਪ੍ਰਭਾਵਿਤ ਕਰਨ ਦਾ ਕਾਰਨ ਦੱਸਿਆ ਹੈ।
ਕੰਪਨੀ ਦਾ ਕਹਿਣਾ ਹੈ ਕਿ ਇਨ੍ਹਾਂ ਸਮੱਸਿਆਵਾਂ ਕਾਰਨ ਇੰਟਰ-ਆਈਲੈਂਡ ਰੂਟ ਸਭ ਤੋਂ ਵਧ ਪ੍ਰਭਾਵਿਤ ਹੋ ਸਕਦਾ ਹੈ।
ਫੈਰੀ ਸੇਵਾ ਦਾ ਕਹਿਣਾ ਹੈ ਕਿ ਕਰਿਊਇੰਗ ਸੰਬੰਧੀ ਰੈਗੂਲੇਸ਼ਨ ਆਖਦੇ ਹਨ ਕਿ ਕਿਸੇ ਫੈਰੀ ਦੀ ਸੇਲਿੰਗ ਲਈ ਕਰਿਊ ਮੈਂਬਰਾਂ ਦੀ ਘੱਟੋ-ਘੱਟ ਗਿਣਤੀ ਪੂਰੀ ਹੋਣੀ ਚਾਹੀਦੀ ਹੈ ਅਤੇ ਅਜਿਹਾ ਨਾ ਹੋਣ 'ਤੇ ਫੈਰੀ ਦੀ ਸੇਲਿੰਗ ਨਹੀਂ ਹੋ ਸਕਦੀ।
ਕੰਪਨੀ ਦਾ ਕਹਿਣਾ ਹੈ ਕਿ ਕਿਸੇ ਫੈਰੀ ਦੇ ਛੋਟੀ ਗਿਣਤੀ 'ਚ ਕਰਿਊ ਮੈਂਬਰਾਂ ਦੇ ਨਾ ਆਉਣ 'ਤੇ ਵੀ ਉਨ੍ਹਾਂ ਦੀ ਰਿਪਲੇਸਮੈਂਟ ਭਾਲਣਾ ਮੁਸ਼ਕਿਲ ਹੋ ਸਕਦਾ ਹੈ।
ਬੀ.ਸੀ. ਫੈਰੀਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਕਰਿਊਸ ਅਤੇ ਸਟਾਫ਼ ਦੇ ਰਿਜ਼ਰਵ ਉਪਲਬਧ ਹਨ ਪਰ ਕਈ ਮੌਕਿਆਂ 'ਤੇ ਮੁਸ਼ਕਿਲ ਹੋ ਸਕਦੀ ਹੈ। ਕੁਝ ਰੂਟਸ ਦੇ ਆਪਰੇਟ ਕਰਨ ਸੰਬੰਧੀ ਸਕੈਡਿਉਲ ਨੂੰ ਮੋਡੀਫਾਈ ਕਰਨ ਦੀ ਗੱਲ ਆਖੀ ਗਈ ਹੈ।
