17.29C Vancouver 17.29C VancouverFeb 3, 2025 7:01 PM - Connect Newsroom
ਬੀ.ਸੀ. ਦੇ ਵਿਰੋਧੀ ਧਿਰ ਦੇ ਲੀਡਰ ਜੌਨ ਰਸਟੈਡ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਨੇ 10 ਸੂਤਰੀ ਟੈਰਿਫ ਰਿਸਪੌਂਸ ਪਲੈਨ ਤਿਆਰ ਕੀਤਾ ਹੈ ਅਤੇ ਈਬੀ ਸਰਕਾਰ ਨੂੰ ਸੂਬੇ ਦੀ ਅਰਥਵਿਵਸਥਾ ਨੂੰ ਬਚਾਉਣ ਲਈ ਇਸ ਨੂੰ ਤੁਰੰਤ ਲਾਗੂ ਕਰਨ ਦੀ ਮੰਗ ਕੀਤੀ ਹੈ।
ਪ੍ਰੀਮੀਅਰ ਡੇਵਿਡ ਈਬੀ ਨੂੰ ਲਿਖੇ ਪੱਤਰ ਵਿਚ ਰਸਟੈਡ ਨੇ ਸੂਬਾ ਸਰਕਾਰ ਨੂੰ ਅੰਤਰਰਾਜੀ ਵਪਾਰਕ ਰੁਕਾਵਟਾਂ ਹਟਾਉਣ ਲਈ ਹੋਰ ਸੂਬਿਆਂ ਨਾਲ ਸਮਝੌਤਾ ਕਰਨ, ਕਾਰਬਨ ਟੈਕਸ ਵਿਚ ਕਟੌਤੀ ਕਰਨ ਅਤੇ ਅਮਰੀਕਾ ਤੋਂ ਇਲਾਵਾ ਹੋਰ ਮੁਲਕਾਂ ਵਿਚ ਵੀ ਬੀ.ਸੀ. ਦੇ ਵਪਾਰ ਦਫ਼ਤਰ ਖੋਲ੍ਹਣ ਦੀ ਗੁਜ਼ਾਰਿਸ਼ ਕੀਤੀ ਹੈ।
ਗੌਰਤਲਬ ਹੈ ਕਿ ਸੰਭਾਵਿਤ ਟੈਰਿਫ ਨਾਲ ਨਜਿੱਠਣ ਲਈ ਡੇਵਿਡ ਈਬੀ ਵਲੋਂ ਬਣਾਈ ਗਈ ਕੈਬਨਿਟ ਕਮੇਟੀ ਦੇ ਪ੍ਰਮੁੱਖ ਰਵੀ ਕਾਹਲੋਂ ਇਹ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਸੂਬਾ ਆਰਥਿਕਤਾ ਵਿਚ ਵਿਭਿੰਨਤਾ ਲਿਆਉਣ ਅਤੇ ਅਮਰੀਕਾ ’ਤੇ ਨਿਰਭਰਤਾ ਘਟਾਉਣ ਲਈ ਕੰਮ ਕਰੇਗਾ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਅਸੀਂ 4 ਸਾਲ ਤੱਕ ਟਰੰਪ ਪ੍ਰਸ਼ਾਸਨ ਵਲੋਂ ਲਗਾਤਾਰ ਆਉਣ ਵਾਲੀਆਂ ਧਮਕੀਆਂ ਨਾਲ ਨਹੀਂ ਚੱਲ ਸਕਦੇ।
