12.67C Vancouver 12.67C VancouverMay 26, 2021 5:43 PM -
ਬੀ.ਸੀ. 'ਚ ਫੌਰੈਸਟ, ਲੈਂਡਸ, ਨੈਚੁਰਲ ਰਿਸੋਰਸ ਆਪ੍ਰੇਸ਼ਨ ਅਤੇ ਰੂਰਲ ਡਿਵੈਲਪਮੈਂਟ ਮੰਤਰੀ, ਕੈਟਰੀਨ ਕੌਨਰੋਏ (Minister of Forests, Lands, Natural Resource Operations and Rural Development, Katrine Conroy) ਦਾ ਕਹਿਣਾ ਹੈ ਕਿ ਬੀ.ਸੀ. ਵਾਈਲਡਫਾਇਰ ਸਰਵਿਸ ਦੀਆਂ ਸੇਵਾਵਾਂ ਮੈਨੀਟੋਬਾ ਨੂੰ ਭੇਜੀਆਂ ਜਾ ਰਹੀਆਂ ਹਨ।
ਉਨ੍ਹਾਂ ਕਿਹਾ ਕਿ ਬੀ.ਸੀ. ਦਾ ਇਤਿਹਾਸ ਰਿਹਾ ਹੈ ਕਿ ਮੁਸ਼ਕਿਲ ਘੜੀ 'ਚ ਲੋਕਾਂ ਦੀ ਮਦਦ ਕੀਤੀ ਜਾਂਦੀ ਹੈ ਅਤੇ ਅੱਜ ਫਿਰ ਬੀ.ਸੀ. ਅਜਿਹਾ ਕਰ ਰਿਹਾ ਹੈ।
ਕੁਲ 41 ਫਾਇਰਫਾਈਟਰ ਅਤੇ 2 ਸੱਪੋਰਟ ਸਟਾਫ਼ ਨੂੰ ਮੈਨੀਟੋਬਾ ਭੇਜਿਆ ਜਾ ਰਿਹਾ ਹੈ।
ਉਨ੍ਹਾਂ ਦੱਸਿਆ ਕਿ ਫਾਇਰਫਾਈਟਿੰਗ ਦੀਆਂ ਕੋਸ਼ਿਸ਼ਾਂ 'ਚ ਮਦਦ ਪ੍ਰਦਾਨ ਕੀਤੀ ਜਾਵੇਗੀ।
ਉਨ੍ਹਾਂ ਦੱਸਿਆ ਕਿ ਇਸ ਪ੍ਰੀਕਿਰਿਆ ਦਾ ਹਿੱਸਾ ਬਣ ਰਹੇ ਲੋਕਾਂ ਲਈ ਕੋਵਿਡ-19 ਸੰਬੰਧੀ ਸਾਵਧਾਨੀ ਵਰਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਬੀ.ਸੀ. ਵਾਈਲਡਫਾਇਰ ਸਰਵਿਸ ਇਸ ਤੋਂ ਜਾਣੂ ਹੈ ਕਿ ਹੋਰ ਜਿਉਰਿਸਡਿਕਸ਼ਨਸ ਦੇ ਨਾਲ ਅੱਗਬੁਝਾਊ ਟੀਮਾਂ ਦੇ ਰਿਸੋਰਸਿਸ ਸਾਂਝੇ ਕੀਤੇ ਜਾਣਾ ਅਹਿਮ ਹੈ ਅਤੇ ਇਸ ਵੇਲੇ ਮੈਨੀਟੋਬਾ ਦੀ ਲੋੜ ਲਈ ਪਹੁੰਚ ਦਾ ਸਵਾਗਤ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਦੱਸਿਆ ਕਿ ਹਾਲ ਦੀ ਘੜੀ ਬੀ.ਸੀ. 'ਚ ਅੱਗਾਂ ਦੀ ਸਥਿਤੀ ਅਜਿਹੀ ਹੈ, ਜਿਸ ਮੌਕੇ ਮੈਨੀਟੋਬਾ ਨੂੰ ਸਹਾਇਤਾ ਪ੍ਰਦਾਨ ਕਰਨਾ ਮੁਸ਼ਕਿਲ ਨਹੀਂ ਹੈ।
