11.6C Vancouver 11.6C VancouverNov 23, 2020 6:31 PM -
ਕੋਵਿਡ-19 ਦੇ ਮਾਮਲਿਆਂ 'ਚ ਵਾਧੇ ਦੇ ਵਿਚਾਲੇ ਬੀ.ਸੀ. ਦੇ ਇੱਕ ਸੀਨੀਅਰਸ ਐਡਵੋਕੇਟ ਨੇ ਕਿਹਾ ਹੈ ਕਿ ਲੌਂਗ ਟਰਮ ਕੇਅਰ ਹੋਮਸ ਦੇ ਸਾਰੇ ਸਟਾਫ਼ ਦਾ ਰੇਪਿਡ ਟੈਸਟ ਕੀਤਾ ਜਾਣਾ ਚਾਹੀਦਾ ਹੈ।
ਈਜ਼ੋਬੇਲ ਮੈਕੈਨਜ਼ੀ ਦਾ ਕਹਿਣਾ ਹੈ ਕਿ 30 ਮਿੰਟ 'ਚ ਨਤੀਜਾ ਦੇਣ ਵਾਲੇ ਰੈਪਿਡ ਟੈਸਟ, ਕਿਸੇ ਵੀ ਸੰਕ੍ਰਮਿਤ ਸਟਾਫ਼ ਮੈਂਬਰ ਦੀ ਪਛਾਣ ਕਰ ਸਕਦੇ ਹਨ, ਜੋ ਕਿ ਅਣਜਾਣ ਹੁੰਦੇ ਹੋਏ ਸੰਕ੍ਰਮਣ ਦਾ ਕਾਰਨ ਬਣ ਸਕਦਾ ਹੈ।
ਕੈਨੇਡਾ 'ਚ ਕਰੀਬ 3.8 ਮਿਲੀਅਨ ਰੈਪਿਡ ਟੈਸਟ ਕਿਟ ਪਹੁੰਚਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਦੇਸ਼ ਦੇ ਕਈ ਸੂਬੇ ਫ਼ਿਲਹਾਲ ਹਿਸਾਬ ਲਗਾ ਰਹੇ ਹਨ ਕਿ ਇਹਨਾਂ ਦੀ ਵਰਤੋਂ ਕਿਵੇਂ ਕੀਤੀ ਜਾਣੀ ਹੈ।
ਯਾਦ ਰਹੇ ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਕਿਹਾ ਹੈ ਕਿ ਰੈਪਿਡ ਟੈਸਟ, ਲੈਬ ਟੈਸਟ ਦੇ ਮੁਕਾਬਲੇ ਪੂਰੇ ਸੈਂਸੀਟਿਵ ਨਹੀਂ ਹੁੰਦੇ, ਅਤੇ ਮੈਕੈਨਜ਼ੀ ਦਾ ਕਹਿਣਾ ਹੈ ਕਿ ਫਿਰ ਸਮਾਂ ਬਚਾਉਣ ਲਈ ਇਸ ਪ੍ਰਕਾਰ ਦੇ ਟੈਸਟ ਕੀਤੇ ਜਾ ਸਕਦੇ ਹਨ, ਜੋ 24 ਘੰਟਿਆਂ 'ਚ ਨਤੀਜੇ ਦੇਣ।
