12.87C Vancouver 12.87C VancouverMay 27, 2021 7:38 PM -
ਬ੍ਰਿਟਿਸ਼ ਕੋਲੰਬੀਆ ਸਿਕਿਉਰਿਟੀਸ ਕਮਿਸ਼ਨ (British Columbia Securities Commission) ਨੇ ਇਲਜ਼ਾਮ ਲਗਾਏ ਹਨ ਕਿ ਵੈਨਕੂਵਰ ਦੇ ਇੱਕ ਆਦਮੀ ਅਤੇ ਉਸ ਦੇ ਪਿਓ ਦੀ ਇੱਕ ਕੰਪਨੀ ਨੇ ਬੀ.ਸੀ. ਇਨਵੈਸਟਰ ਨਾਲ ਠੱਗੀ ਮਾਰੀ ਹੈ।
ਇਲਜ਼ਾਮ ਲਗਾਏ ਗਏ ਹਨ ਕਿ ਗੈਰਕਨੂੰਨੀ ਢੰਗ ਨਾਲ ਸਿਕਿਓਰਿਟੀਸ ਵੰਡੀਆਂ ਗਈਆਂ ਹਨ।
ਇੱਕ ਨੋਟਿਸ ਆਫ ਹੀਅਰਿੰਗ 'ਚ ਕਿਹਾ ਗਿਆ ਹੈ ਕਿ ਜੈਫਰੀ ਰਾਜੇ ਸਿੱਧੂ ਦੀ ਇਨਵੈਸਟਰ ਨਾਲ ਇੱਕ ਸੋਸ਼ਲ ਨੈਟਵਰਕ ਵੈਬਸਾਈਟ 'ਤੇ ਮੁਲਾਕਾਤ ਹੋਈ ਸੀ ਅਤੇ ਜਾਣਕਾਰੀ ਦਿੱਤੀ ਗਈ ਕਿ ਉਹ ਮੌਰਗੇਜ ਫ੍ਰੀ ਘਰ ਦੀ ਮਾਲਿਕ ਹੈ ਅਤੇ ਉਸ ਦੀ ਇਨਕਮ ਦਰਮਿਆਨੀ ਹੈ।
ਸਿੱਧੂ ਨੇ ਰੈਕਮੈਂਡ ਕੀਤਾ ਕਿ ਇਨਵੈਸਟਰ ਨੇ ਉਸ ਦੇ ਘਰ ਲਈ ਮੌਰਗੇਜ ਲੈਣੀ ਚਾਹੀਦੀ ਹੈ ਅਤੇ ਉਸ ਦੇ ਪੈਸੇ ਨੂੰ ਰੀਅਲ ਐਸਟੇਟ 'ਚ ਲਗਾਉਣਾ ਚਾਹੀਦਾ ਹੈ।
ਸਿੱਧੂ ਨੇ ਇਨਵੈਸਟਰ ਨੂੰ ਇੱਕ ਪ੍ਰਾਈਵੇਟ ਫਰਮ ਤੋਂ ਕਥਿਤ ਤੌਰ 'ਤੇ 2 ਮਿਲੀਅਨ 70 ਹਜ਼ਾਰ ਡਾਲਰ ਦੀ ਮੌਰਗੇਜ ਹਾਸਿਲ ਕਰਵਾਈ।
ਇਸ ਤੋਂ ਬਾਅਦ ਸਿੱਧੂ ਨੇ ਇਨਵੈਸਟਰ ਨੂੰ ਇੱਕ ਕੰਪਨੀ ਨਾਲ ਮਿਲਵਾਇਆ ਜਿਸ ਦਾ ਮਾਲਿਕ ਉਸ ਦਾ ਪਿਓ ਸੀ।
ਇਸ ਵਿੱਚ ਇਨਵੈਸਟਰ ਦੇ $1.75 ਮਿਲੀਅਨ ਇਨਵੈਸਟ ਕਰਵਾਏ ਗਏ।
ਇਨਵੈਸਟਰ ਨੂੰ ਕਿਹਾ ਗਿਆ ਸੀ ਕਿ ਬ੍ਰੇਸਟੈਕ ਇੰਡਸਟਰੀਸ ਗਰੁੱਪ ਲਿਮਿਟਿਡ 'ਚ ਪੈਸਾ ਲਗਾਉਣ 'ਤੇ ਉਸ ਦਾ ਇੱਕ ਸਾਲ 'ਚ ਪੈਸਾ ਤਿੱਗਣਾ ਹੋ ਜਾਵੇਗਾ।
ਹਾਲਾਂਕਿ ਕਥਿਤ ਤੌਰ 'ਤੇ ਇਸ ਦੌਰਾਨ ਕਈ ਜਾਣਕਾਰੀਆਂ ਸਾਂਝੀਆਂ ਨਹੀਂ ਕੀਤੀਆਂ ਗਈਆਂ।
ਇਹ ਇਲਜ਼ਾਮ ਫਿਲਹਾਲ ਸਾਬਿਤ ਨਹੀਂ ਹੋਏ ਹਨ।
