16.2C Vancouver 16.2C VancouverApr 3, 2020 7:32 PM -
ਔਂਟੈਰੀਓ 'ਚ ਕੋਰੋਨਾ ਵਾਇਰਸ ਨਾਲ ਪੀੜਤ ਲੋਕਾਂ ਦੇ ਨਵੇਂ ਅੰਕੜੇ ਸਾਂਝੇ ਕੀਤੇ ਗਏ ਹਨ।
ਔਂਟੈਰੀਓ ਦੇ ਸਿਹਤ ਅਧਿਕਾਰੀ ਮੀਡੀਆ ਦੇ ਰੂਬਰੂ ਹੋਏ, ਅਤੇ ਉਨ੍ਹਾਂ ਦੱਸਿਆ ਕਿ ਔਂਟੈਰੀਓ 'ਚ ਪੀੜਤਾਂ ਦੀ ਗਿਣਤੀ 3,255 ਤਕ ਪਹੁੰਚ ਚੁੱਕੀ ਹੈ।
ਸੂਬੇ 'ਚ ਇਸ ਵਾਇਰਸ ਸੰਬੰਧੀ 462 ਹੋਰ ਮਾਮਲੇ ਉਜਾਗਰ ਹੋਣ ਬਾਰੇ ਦੱਸਿਆ ਗਿਆ ਹੈ।
ਇਹ ਔਂਟੈਰੀਓ 'ਚ ਹੁਣ ਤਕ ਦਾ ਇੱਕੋ ਦਿਨ 'ਚ ਸਾਹਮਣੇ ਆਇਆ ਸਭ ਤੋਂ ਵੱਡਾ ਪਾਜੀਟਿਵ ਮਾਮਲਿਆਂ ਦਾ ਅੰਕੜਾ ਹੈ।
ਯਾਦ ਰਹੇ ਸੂਬੇ 'ਚ ਬੁੱਧਵਾਰ ਨੂੰ 426 ਅਤੇ ਵੀਰਵਾਰ ਨੂੰ 401 ਮਾਮਲੇ ਸਾਹਮਣੇ ਆਏ ਦੱਸੇ ਗਏ ਸਨ।
ਇਸਤੋਂ ਅਲਾਵਾ ਸੂਬੇ 'ਚ 14 ਹੋਰ ਲੋਕਾਂ ਦੀ ਇਸ ਵਾਇਰਸ ਕਾਰਨ ਜਾਨ ਚਲੀ ਗਈ ਹੈ।
ਔਂਟੈਰੀਓ ਦੀ ਸਿਹਤ ਸੰਬੰਧੀ, ਐਸੋਸੀਏਟ ਚੀਫ ਮੈਡੀਕਲ ਅਫਸਰ, ਡਾ. ਬਾਰਬਰਾ ਯਾਫੇ ਨੇ ਪੀੜਤਾਂ ਬਾਰੇ ਜਾਣਕਾਰੀ ਸਾਂਝੀ ਕੀਤੀ।
ਸੂਬੇ ਦੇ ਚੀਫ ਮੈਡੀਕਲ ਅਫਸਰ, ਡਾ. ਡੇਵਿਡ ਵਿਲੀਅਮਸ ਵੀ ਇਸ ਮੌਕੇ ਮੌਜੂਦ ਸਨ, ਅਤੇ ਸਿਹਤ ਅਧਿਕਾਰੀਆਂ ਨੇ ਦੱਸਿਆ ਕਿ ਸੂਬੇ ਵਿਚ ਹੁਣ ਤਕ 1,053 ਲੋਕਾਂ ਨੇ ਇਸ ਵਾਇਰਸ ਤੋਂ ਪੀੜਤ ਹੋਣ ਤੋਂ ਬਾਅਦ ਰਿਕਵਰੀ ਕੀਤੀ ਹੈ।
