18.32C Vancouver 18.32C VancouverOct 1, 2020 1:25 AM -
ਬਲੌਕ ਕਿਊਬੈਕੁਆ ਲੀਡਰ, ਈਵ ਫ੍ਰਾਂਸੂਆ ਬਲਾਨਸ਼ੇ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਪਾਰਟੀ ਨੇ ਲਿਬਰਲ ਸਰਕਾਰ ਦੇ ਨਵੇਂ ਫਾਇਨੈਨਸ਼ੀਅਲ ਏਡ ਪੈਕੇਜ ਦੇ ਹੱਕ 'ਚ ਇਸਲਈ ਵੋਟ ਕੀਤਾ ਕਿ ਕਨੇਡੀਅਨ ਲੋਕਾਂ ਤੱਕ ਜਲਦੀ ਮਦਦ ਪਹੁੰਚ ਸਕੇ।
ਪਰ ਉਨ੍ਹਾਂ ਸ਼ਿਕਾਇਤ ਕੀਤੀ ਕਿ ਐਮ.ਪੀ. ਇਸ ਪੈਕੇਜ 'ਚ ਸੁਧਾਰ ਅਤੇ ਇਸ ਦੀ ਪੂਰੀ ਜਾਂਚ 'ਤੇ ਆਪਣੇ ਕੰਮ ਸਹੀ ਤਰ੍ਹਾਂ ਨਹੀਂ ਕਰ ਸਕੇ ਸਨ, ਕਿਉਂਕਿ ਲਿਬਰਲਸ ਨੇ ਸਭ ਜਲਦਬਾਜ਼ੀ 'ਚ ਕੀਤਾ।
ਕੰਜ਼ਰਵੇਟਿਵ ਲੀਡਰ ਐਰਿਨ ਓ'ਟੂਲ ਨੇ ਵੀ ਇਹੀ ਟਿੱਪਣੀ ਕੀਤੀ, ਅਤੇ ਦੋਨਾਂ ਪਾਰਟੀਆਂ ਨੇ ਐਨ.ਡੀ.ਪੀ. ਨੂੰ ਨਿਸ਼ਾਨੇ 'ਤੇ ਲੈਂਦਿਆਂ ਕਿਹਾ ਕਿ ਉਨ੍ਹਾਂ ਲਿਬਰਲਸ ਨੂੰ ਬਿੱਲ ਨੂੰ ਫਾਸਟ ਟ੍ਰੈਕ ਕਰਨ 'ਚ ਮਦਦ ਕੀਤੀ।
ਹਾਲਾਂਕਿ ਐਨ.ਡੀ.ਪੀ. ਦਾ ਕਹਿਣਾ ਹੈ ਕਿ ਉਨ੍ਹਾਂ ਅਜਿਹਾ ਇਸਲਈ ਕੀਤਾ ਕਿ, ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੀਫਿਟ ਦਾ ਲਾਹਾ ਲੈ ਰਹੇ ਲੋਕਾਂ ਕੋਲ, ਜਲਦੀ ਤੋਂ ਜਲਦੀ ਮਦਦ ਪਹੁੰਚ ਸਕੇ।
