20.9C Vancouver 20.9C VancouverJan 13, 2022 11:30 PM - Connect News
ਅੱਜ ਤੋਂ ਬੀ.ਸੀ. 'ਚ ਗਰਭਵਤੀ ਔਰਤਾਂ ਲਈ ਕੋਵਿਡ-19 ਦੀ ਬੂਸਟਰ ਖੁਰਾਕ ਉਪਲਬਧ ਕਰਵਾਉਣ ਦੇ ਨਿਰਦੇਸ਼ ਲਾਗੂ ਹੋ ਗਏ ਹਨ।
ਗਰਭਵਤੀ ਔਰਤਾਂ ਲਈ ਜਾਣਕਾਰੀ ਜਾਰੀ ਕੀਤੀ ਗਈ ਹੈ ਕਿ ਜਿਹੜੀਆਂ ਔਰਤਾਂ ਨੂੰ ਵੈਕਸੀਨ ਹਾਸਿਲ ਕੀਤੇ ਘੱਟੋ-ਘੱਟ 8 ਹਫ਼ਤੇ ਦਾ ਸਮਾਂ ਹੋ ਚੁੱਕਿਆ ਹੈ ਉਹ ਬੂਸਟਰ ਖੁਰਾਕ ਲਈ ਅਪਾਇੰਟਮੈਂਟ ਹਾਸਿਲ ਕਰ ਸਕਦੇ ਹਨ।
ਆਮ ਲੋਕਾਂ ਲਈ ਕੋਵਿਡ-19 ਸੰਬੰਧੀ ਵੈਕਸੀਨ ਹਾਸਿਲ ਕਰਨ ਲਈ ਦੂਜੀ ਖੁਰਾਕ ਤੋਂ ਬਾਅਦ 6 ਮਹੀਨੇ ਦਾ ਅੰਤਰ ਰੱਖਣ ਦੇ ਨਿਯਮ ਲਾਗੂ ਹਨ।
ਪਰ ਦੂਜੇ ਪਾਸੇ ਗਰਭਵਤੀ ਔਰਤਾਂ ਬਾਰੇ ਕਿਹਾ ਗਿਆ ਹੈ ਕਿ ਦੂਜੀ ਖੁਰਾਕ ਤੋਂ 8 ਹਫ਼ਤੇ ਬਾਅਦ ਹੀ ਬੂਸਟਰ ਖੁਰਾਕ ਹਾਸਿਲ ਕੀਤੀ ਜਾ ਸਕਦੀ ਹੈ ਜਿਸ ਨਾਲ ਮਾਂ ਅਤੇ ਬੱਚੇ ਨੂੰ ਪੂਰੀ ਸੁਰੱਖਿਆ ਹਾਸਿਲ ਹੋ ਸਕੇ।
ਜਾਣਕਾਰੀ ਦਿੱਤੀ ਗਈ ਕਿ ਕਰੀਬ 1,800 ਲੋਕ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਉਹ ਗਰਭਵਤੀ ਹਨ ਅਤੇ ਉਨ੍ਹਾਂ ਨੂੰ ਔਟਮੈਟਿਕਲੀ ਬੂਸਟਰ ਖੁਰਾਕਾਂ ਲਈ ਸੱਦੇ ਪਹੁੰਚ ਜਾਣਗੇ।
