10.53C Vancouver 10.53C VancouverJan 26, 2021 6:32 PM -
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਬੀ.ਸੀ. ਵਾਸੀਆਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਕੋਵਿਡ-19 ਖਿਲਾਫ ਲੜਾਈ 'ਚ ਸੂਬਾ ਇੱਕ ਨਾਜ਼ੁਕ ਮੋੜ 'ਤੇ ਖੜਾ ਹੈ।
ਉਨ੍ਹਾਂ ਕਿਹਾ ਕਿ ਦੱਖਣੀ ਅਫਰੀਕਾ ਅਤੇ ਯੂ.ਕੇ. 'ਚ ਪਾਏ ਗਏ ਕੋਵਿਡ-19 ਦੇ ਵੇਰੀਐਂਟ ਹੁਣ ਬੀ.ਸੀ. ਪਹੁੰਚ ਚੁੱਕੇ ਹਨ।
ਦੱਖਣੀ ਅਫਰੀਕਾ ਦੇ ਵੇਰੀਐਂਟ ਦੇ 3 ਮਾਮਲੇ ਬੀ.ਸੀ. 'ਚ ਰਿਪੋਰਟ ਹੋ ਚੁੱਕੇ ਹਨ।
ਡਾ. ਹੈਨਰੀ ਨੇ ਨਾਲ ਹੀ ਕਿਹਾ ਕਿ ਸੂਬੇ 'ਚ ਵਾਇਰਸ ਸੰਬੰਧੀ ਮਾਮਲਿਆਂ 'ਤੇ ਬ੍ਰੇਕ ਤਾਂ ਲੱਗੀ ਹੈ ਪਰ ਹਰ ਰੋਜ਼ ਰਿਪੋਰਟ ਹੁੰਦੇ ਔਸਤਨ 500 ਮਾਮਲੇ ਬੇਹੱਦ ਵੱਡਾ ਅੰਕੜਾ ਹੈ।
ਉਨ੍ਹਾਂ ਕਿਹਾ ਕਿ ਉਹ ਬੇਹੱਦ ਚਿੰਤਤ ਹਨ।
ਉਨ੍ਹਾਂ ਬੀ.ਸੀ. ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਇਹ ਸਮਾਂ ਯਾਤਰਾ ਕਰਨ ਦਾ ਨਹੀਂ ਹੈ।
ਉਨ੍ਹਾਂ ਕਿਸੇ ਵੀ ਗੈਰ-ਜ਼ਰੂਰੀ ਯਾਤਰਾ ਨੂੰ ਰੱਦ ਕਰਨ ਦੀ ਅਪੀਲ ਕੀਤੀ ਹੈ।
ਯਾਦ ਰਹੇ ਬੀ.ਸੀ. 'ਚ ਕੋਵਿਡ-19 ਵੈਕਸੀਨ ਦੀ ਡਿਲੀਵਰੀ 'ਚ ਪਏ ਵਿਘਨ ਕਾਰਨ ਵੈਕਸੀਨ ਦੀਆਂ ਦੋਨਾਂ ਖੁਰਾਕਾਂ ਵਿਚਾਲੇ ਦੇ ਫਰਕ ਨੂੰ 42 ਦਿਨ ਤੱਕ ਵਧਾਇਆ ਜਾ ਰਿਹਾ ਹੈ।
ਪਹਿਲਾਂ 35 ਦਿਨ ਦੇ ਫਰਕ 'ਤੇ ਦੂਜੀ ਖੁਰਾਕ ਦੇਣ ਦੀ ਗੱਲ ਆਖੀ ਗਈ ਸੀ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਹੁਣ ਤੱਕ ਸੂਬੇ 'ਚ ਵੈਕਸੀਨ ਦੀਆਂ 119,000 ਖੁਰਾਕਾਂ ਤੋਂ ਵਧੇਰੇ ਗਿਣਤੀ ਪ੍ਰਦਾਨ ਕੀਤੀ ਜਾ ਚੁੱਕੀ ਹੈ।
