29.54C Vancouver 29.54C VancouverJan 26, 2021 1:17 AM -
ਬੀ.ਸੀ. 'ਚ ਕੋਵਿਡ-19 ਦੇ ਦਸਤਕ ਦੇਣ ਤੋਂ ਬਾਅਦ ਇਸ ਨਾਲ ਲੌਂਗ ਟਰਮ ਕੇਅਰ ਹੋਮਸ ਨੇ ਕਿਵੇਂ ਨਜਿੱਠਣ ਦੀ ਕੋਸ਼ਿਸ਼ ਕੀਤੀ, ਇਸ 'ਤੇ ਤਿਆਰ ਕੀਤੀ ਇੱਕ ਤੀਜੀ ਧਿਰ ਦੀ ਰਿਪੋਰਟ ਜਨਤਕ ਕੀਤੀ ਗਈ ਹੈ।
ਇਸ 'ਚ ਨੀਤੀਆਂ ਅਤੇ ਇਨਫੈਕਸ਼ਨ ਤੋਂ ਬਚਾਅ 'ਤੇ ਉਲਝਣ ਬਣਨ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਹ ਰਿਪੋਰਟ ਅਰਨਸਟ ਐਂਡ ਯੰਗ ਵੱਲੋਂ ਤਿਆਰ ਕੀਤੀ ਗਈ ਹੈ।
ਇਸ 'ਚ ਐਮਰਜੈਂਸੀ ਤਿਆਰੀ 'ਚ ਕਮੀ ਦੀ ਗੱਲ ਵੀ ਉਜਾਗਰ ਹੋਈ ਹੈ।
ਇਸ ਤੋਂ ਇਲਾਵਾ ਹੈਲਥ ਅਥਾਰਿਟੀਸ ਅਤੇ ਫੈਸਿਲਟੀਆਂ ਨੇ ਕੋਵਿਡ-19 ਤੋਂ ਪੀੜਤ ਰੈਜ਼ੀਡੈਂਟਸ ਦੀ ਸਾਂਭ-ਸੰਭਾਲ ਲਈ ਕੀ ਕੀਤਾ, ਇਸ 'ਚ ਪ੍ਰੋਵਿੰਸ਼ੀਅਲ ਨੀਤੀਆਂ 'ਚ ਕਮੀ ਬਾਰੇ ਵੀ ਦੱਸਿਆ ਗਿਆ ਹੈ।
ਇਸ ਰਿਪੋਰਟ 'ਚ ਸਟਾਫ਼ ਦੀ ਥੋੜ ਅਤੇ ਕੁਝ ਹੋਰ ਦਿੱਕਤਾਂ ਦੇ ਵੇਰਵੇ ਵੀ ਸਾਂਝੇ ਕੀਤੇ ਗਏ ਹਨ।
ਹਾਲਾਂਕਿ ਹੈਲਥ ਐਮਰਜੈਂਸੀ ਕਮਾਂਡ ਸੈਂਟਰ ਸਥਾਪਿਤ ਕਰਨ ਲਈ ਰਿਪੋਰਟ 'ਚ ਸਰਕਾਰ ਦੀ ਤਾਰੀਫ ਕੀਤੀ ਗਈ ਹੈ।
ਸਿਹਤ ਮੰਤਰੀ ਐਡਰੀਅਨ ਡਿਕਸ ਨੇ ਬੀਤੇ ਹਫ਼ਤੇ ਕਿਹਾ ਸੀ ਕਿ ਸਰਕਾਰ ਨੇ ਰਿਪੋਰਟ 'ਚ ਕੀਤੀਆਂ ਗਈਆਂ ਸਿਫਾਰਸ਼ਾਂ ਨੂੰ ਪੂਰੀ ਤਰ੍ਹਾਂ ਲਾਗੂ ਕੀਤਾ ਹੈ ਅਤੇ ਰਿਪੋਰਟ 'ਚ ਸਰਕਾਰ ਦੇ ਐਕਸ਼ਨ ਦੀ ਤਾਰੀਫ ਕੀਤੀ ਗਈ ਹੈ।
